Sekuestrohen 190 kg drogë dhe 924 rrënjë kanabis në Veri

190 kg drogë u bllokuan nga policia e Lezhës gjatë 12 orëve të fundit në një operacion të kontrollit të territorit në të gjithë qarkun, duke goditur dy raste të kultivimit të drogës.

Katër persona janë arrestuar dhe një tjetër është shpallur në kërkim. Në Kurbin, në Fushë-Mamurras, policia sekuestroi 153 kg lëndë narkotike marijuanë.

Lënda narkotike dyshohet se po transportohej me një mjet “Opel” drejt Tiranës.  Agron Prelaj 40 vjeç, Albert Haxhia 27 vjeç, Lek Lari 40 vjeç, u arrestuan në flagrancë nga policia, të dyshuar si të përfshirë në transportimin e lëndës narkotike.

Gjithashtu një person tjetër u shpall në kërkim nga policia. 

Ndërkaq në fshatin Mërqi të Lezhës, policia arrestoi Zef Lekajn,  të cilit iu bllokuan 37 kg lëndë narkotike kanabis.

Në Shkodër, në njësinë Administrative të Shalës, policia arrestoi Gëzim Kaçupajn, 59 vjeç, shtatë persona të tjerë u proceduan penalisht dhe një tjetër u shpall në kërkim. Të gjithë personat akuzohen se janë autorë të kultivimit të një sasie prej 924 rrënjë bimë kanabis në zonën e Shalës./Tv Klan

 

 

Qarku Lezhë, Policia e Lezhës gjatë 12 orëve të fundit finalizon me sukses operacionin e gjerë antidrogë në rang Qarku të koduar "Horizont" Si rezultat i tij goditen 2 raste të prodhimit dhe shitjes së lëndëve narkotike.Sekuestrohen në total 190 kg lëndë narkotike Marijuanë.Arrestohen në flagrancë 4 shtetas si dhe shpallet 1 shtetas tjetër në kërkim. Në Kurbin , u arrestuan 3 shtetas , 1shtetas u shpall në kërkim si dhe u sekuestruan 153.5 kg lëndë narkotike Marijuanë. Në Lezhë u arrestua 1 shtetas si dhe u sekuestruan 36.5 kg lëndë narkotike Marijuanë.Me datë 18.05.2017, në vijim të punës së pandërprerë për goditjen e veprimtarisë kriminale të prodhimit dhe shitjes së lëndëve narkotike dhe vendosjes para përgjegjësisë penale të autorëve, nga Seksioni kundër narkotikëve në Drejtorinë Vendore të Policisë Lezhë, në bazë të informacioneve të siguruara në rrugë operative dhe pas një pune hetimore të mirëorganizuar , u finalizua me sukses operacioni i gjerë antidrogë në rang Qarku i koduar "Horizont "Si rezultat i tij u goditen 2 raste të prodhimit dhe shitjes së lëndëve narkotike. Konkretisht : Në Kurbin, në vendin e quajtur Fushë – Mamurras, u kap në flagrancë mjeti tip Opel ku brenda tij ishte fshehur lëndë narkotike e paketuar ku në peshë totale rezultoi 153.5 kg. U arrestuan në flagrancë të dyshuar si poseduesit e kësaj lënde narkotike, 3 shtetasit: – A.P , 40 vjeç, banues në Tiranë -A.H, 27 vjeç, banues në Tiranë – L.L, 40 vjeç, banues në Krujë Gjithashtu u shpall në kërkim shtetasi A.M. 42 vjeç, banues në Tiranë i dyshuar si bashkëpuntor si dhe punohet për identifikimin dhe kapjen e bashkëpuntorëve të tjerë të implikuar në këtë veprimtari kriminale. Në Lezhë, në fshatin Mërqi, u gjetën dhe u sekuestruan 36.5 kg lëndë narkotike Marijuanë, gjatë kontrollit të ushtruar në banesen e shtetasit Z.L, 57 vjeç, banues në Lezhë i cili u arrestua në flagrancë si posedues i saj. Materialet procedurale në ngarkim të shtetasve të mësipërm të proceduar, u referuan Prokurorisë së Rrethit Gjyqësor Lezhë për vepren penale "Prodhim dhe shitje e lëndëve narkotike" parashikuar nga neni 283 i Kodit Penal.

Publié par Policia e Shtetit sur vendredi 19 mai 2017

Kategori
KronikeTe funditTë gjithaVideo
0 Komente

Përgjigju

*

*