Sesioni i ri parlamentar do ta gjejë opozitën jashtë dyerve të Kuvendit.
Nga mbledhja e grupit parlamentar të demokratëve, kreu i opozitës Lulzim Basha tha se opozita nuk mund të bëhet pjesë e një Kuvendi, në të cilin nuk dëgjohet por goditet e kërcënohet.
Kreu i demokratëve paralajmëroi një opozitë të fortë edhe pse jashtë Parlamentit.
Të parat nisma që opozita do të ndërrmarrë janë ankimimi në Gjykatën Kushtetuese i dekreteve të Presidentit Nishani për kthimin e ligjit për Shkollën e Magjistraturës, atë për organizimin dhe funksionimin e Gjykatës Administrative, atë për për organizimin dhe funksionimin e Këshillit të Lartë të Drejtësisë, kthimin e ligjit për Policinë e Shtetit si dhe ndarjen administrativo – territoriale.
Kreu i demokratëve paralajmëroi edhe mbajtjen e referendumeve lokale.
Gjatë fjalës së mbajtur përpara grupit të demokratëve, kryetari Basha akuzoi dyshen Rama -Meta se me instalimin sipas tij të oligarkisë në krye të pushtetit kanë çuar në shtimin e varfërisë dhe rritjen e papunësisë në vend.
Ndaj si pjesë të aksionit opozitar kreu i demokratëve parajmëroi edhe mbajtjen e protestave popullore.
Tv Klan