Kërkon shtyrjen e negociatave për Shqipërinë me 10 vite!
Opozita suedeze i ka propozuar qeverisë sw këtij shteti që t’i jepet mundësia Shqipërisë që deri në vitin 2030 të demonstrojë me fakte se mund të udhëhiqet nga një qeveri që nuk ka lidhje me mafian. Në një interpelance të zhvilluar të premten në parlamentin suedez ky ishte propozimi në emër të opozitës nga deputeti Ludvig Aspling.
“Nëse shikoni Indeksin e Demokracisë, Shqipëria konsiderohet merr një notë të ulët dhe konsiderohet si një regjim autoritar hibrid. Cila është arsyeja e notës së keqe? Gjëja më serioze, natyrisht, janë lidhjet mes politikanëve kryesorë dhe krimit të organizuar. Në Shqipëri, është e ditur se udhëheqësi i Partisë Socialiste, si dhe Kryeministri i vendit Edi Rama, po udhëheq një qeveri me lidhje të dokumentuara me krimin e organizuar. Rama është akuzuar për vite me radhë se ka miqësi me persona me të kaluar serioze kriminale. Një nga ish-deputetët e tij ka marrë një dënim përfundimtar për trafik njerëzor në Itali. Një tjetër eksponent socialist është shpallur si persona non grata për korrupsion nga Departamenti i Shtetit i SH.B.A.-së. Gjatë viteve të fundit disa deputetë të Partisë Socialiste janë zbuluar të kenë të kaluar të pasur kriminale”, tha ai.
Një tjetër këndvështrim pati Ministrja e Jashtme, Ann Linde, në këtë interpelancë të kërkuar nga opozita.
“Unë kam folur me Kryeministrin e Shqipërisë për të frenuar krimin e organizuar. Ai ishte shumë i përkushtuar për mënyrën se si mund të ndihmoheshim në këtë sfidë. Në Shqipëri, janë krijuar institucione të reja për te garantuar një sistem të pavarur juridik. Autoritetet shqiptare kanë forcuar kapacitetin operativ të koordinimit në luftën kundër korrupsionit, por mbetet shumë punë në disa fusha. Ndërsa për akuzat që përmendet bëhet fjalë për përhapjen e thashethemeve për kolegët e mi në vende të tjera, unë zgjedh të mos i përgjigjem aspak”, tha ajo.
Klan Plus
