Bashkimi Europian beson se të gjitha forcat politike në Maqedoni të Veriut do të mbështesin përparimin e vendit në rrugën europiane, tha sot zëdhënësja e Komisionit Europian për Politikë Fqinjësore dhe Zgjerim, Ana Pisonero lidhur me pritjet nga zgjedhjet e nesërme presidenciale dhe parlamentare.
“Ne qartë e mbështesim perspektivën për anëtarësim të Maqedonisë së Veriut në BE dhe shpresojmë se do të kemi mundësi ta hapim procesin negociues sa më qarë. BE-ja e ndjek me kujdes procesin e zgjedhjeve presidenciale dhe parlamentare”, tha Ana Pisonero.
Ajo theksoi se Këshilli i Europës në konkluzionet e veta dha indikacione të qarta duke theksuar se “Maqedonia e Veriut u detyrua ta ndryshojë Kushtetutën”.
“Shpresoj se edhe Maqedonia e Veriut edhe Shqipëria do të mund t’i hapin negociatat rreth Klasterit të parë – Të drejtat themelore, sa më parë të jetë e mundur. Vendimi se kur do të thirren Konferencat e ardhshme ndërqeveritare tani është në duart e vendeve anëtare”, tha Ana Pisonero.
Lidhur me çështjen e procesit gjyqësor kundër kryebashkiakut shqiptar, pjesëtar i pakicës greke në Shqipëri, Pisonero deklaroi se Komisioni nuk komenton procedura të cilat janë në rrjedhë, por konsideron se çështjet bilaterale nuk do të duhej të ishin arsye për bllokimin e procesit negociues./tvklan.mk
