Banka e Shqipërisë vlerëson se në gjashtëmujorin dytë të vitit 2023 veprimtaria e sektorit bankar u paraqit e qëndrueshme me kontribut të depozitave dhe kredive në zgjerim, ndonëse në ritme të ngadalta për shkak të mbiçmimit të ndjeshëm të lekut.
Drejtori i Departamentit të Stabilitetit Financiar në Bankën e Shqipërisë, Klodion Shehu, thotë se këto tregues sollën rritje të ekonomisë në vend e ndikuar edhe nga sektori i turizmit.
Viti që lamë pas u mbyll me një fitim në rritje, me më shumë se 50% për institucionet financiare, e ndikuar kjo nga rrija e interesave të kredive.
Të dhënat e publikuara nga “Banka e Shqipërisë’, që i referohen muajit mars 2024 tregojnë se kredia e dhënë nga institucionet financiare arriti vlerën e 763 miliardë lekëve duke njohur një rritje prej 7% nga marsi i vitit të kaluar. Ndërkohë depozitat regjistruan tkurrje të lehtë duke arritur në 1.30 trilionë lekë.
Tv Klan
