Ndihmëssekretari amerikan i Shtetit për Evropë dhe Euroazi, James O’Brien, tha se me të dërguarin e SHBA-së për Ballkanin Perëndimor, Gabriel Escobar, dhe me të dërguarin e Bashkimit Evropian, Mirosllav Lajçak, janë koordinuar për strategjitë për ta çuar përpara çështjen e dialogut Kosovë-Serbi për normalizimin e marrëdhënieve.
“SHBA-ja e mbështet fuqishëm dialogun si rrugë për marrëdhënie paqësore dhe produktive”, shkroi O’Brien në platformën X.
Important discussions with Deputy Assistant Secretary Gabriel Escobar and EUSR @MiroslavLajcak today. We coordinated strategies for moving Kosovo and Serbia forward in the EU-facilitated Dialogue. U.S. strongly supports the Dialogue as the path to peaceful, productive relations. pic.twitter.com/yWr6VrLjVs
— Assistant Secretary Jim O'Brien (@StateEUR) May 8, 2024
Në një postim tjetër Lajçak, shkroi se në Uashington u diskutua rruga përpara në dialogun Kosovë-Serbi, si dhe çështje të tjera rajonale në Ballkanin Perëndimor.
“E rikonfirmuam bashkëpunimin tonë të shkëlqyer mes BE-së dhe SHBA-së”, theksoi Lajçak.
A pleasure to meet with @StateEUR Jim O’Brien and Deputy Assistant Secretary Escobar in Washington today to discuss the way ahead in the Dialogue and other regional issues in the Western Balkans. We reconfirmed our excellent 🇪🇺🇺🇸 cooperation. https://t.co/LIYfkYVkjn
— Miroslav Lajčák (@MiroslavLajcak) May 8, 2024
Ndonjë detaj për strategjitë e përmendura nuk u bë i ditur. Bashkësia ndërkmbëtare është duke i bërë trysni Kosovës dhe Serbisë që ta zbatojnë Marrëveshjen e Ohrit për normalizimin e marrëdhënieve, e cila është arritur vitin e kaluar.
Kosova është nën presion për ta formuar Asociacionin e komunave me shumicë serbe, ndërsa Serbia për ta njohur de facto Kosovën. Ky asociacion është përmendur, ditëve të fundit, edhe si kusht për anëtarësimin e Kosovës në Këshillin e Evropës, por kryeministri i Kosovës, Albin Kurti, ka thënë se Qeveria e tij nuk do ta pranojë një gjë të tillë.
Franca u ka kërkuar shteteve anëtare shtyrjen e vendimit për pranimin e Kosovës në Këshillin e Evropës për shkak të mos përmbushjes së detyrimit për formimin e Bashkësisë së Komunave Serbe. Takimi i ministrave të Jashtëm, që duhet të marrin vendimin përfundimtar për pranimin e Kosovës në këtë organizatë ndërkombëtare i planifikuar më 16 dhe 17 Maj.
Edhe Gjermania mban qëndrimin se qeveria e Kurtit duhet të ndërmarrë hapa konkretë në lidhje me Asociacionin për të përfituar anëtarësim në Këshillin e Evropës. Këtë qasje nuk e ka përkrahur Britania e Madhe, e cila mendon se çështja e Bashkësisë së Komunave Serbe nuk duhet të ngatërrohet me anëtarësimin në Këshillin e Evropës.
Presidenti francez i ka bërë thirrje Kurtit për zbatimin e plotë të marrëveshjeve të Brukselit dhe Ohrit.
Klan News
