Stop Tv Klan | Një format satiro-investigativ nga Saimir Kodra & Gentian Zenelaj.
Ja çfarë të bën alkooli, qytetarit i rritet përgjegjshmëria
Një qytetari i dehur ndjek rregullat e qarkullimit rrugor, edhe pse në këmbë, sapo sheh ngjyrat e kuqe dhe jeshile. Një tjetër qytetar ka shkruar si reklamë në makinën e tij “babai i radiatorëve”.
“E donte për të vrarë veten, i dashuri bënte shenjë”, produkti i ndaluar në treg
“Fute në salsiçe që mos ta nuhasë”, fostoksina tregtohet lirshëm në farmacitë bujqësore
Në farmacitë bujqësore, fostoksina është e ndaluar me ligj të tregtohet. Por kjo nuk i pengon aspak tregtarët që ta shesin atë. Kamera e fshehtë e emisionit “Stop” në Tv Klan ishte në Kuçovë, Shkozë, Paskuqan e Kamëz për të blerë fostoksinë. Kudo fostoksina e ndaluar u ble lehtësisht me arsyen se duhej për të helmuar qentë.
Farmacistët madje kanë këshilluar edhe për përdorimin duke e futur në salsiçe që të mos e nuhasë qeni.
Farmaci bujqësore – KUÇOVË
Qytetari: Ke ilaçe për qen? Kam ca te shpia.
Shitësi: Për të helmuar?
Qytetari: Po!
Shitësi: Vetëm me fostoksinë mund të bëhet.
Qytetari: Me çfarë?
Shitësi: Fostoksinë. E ke parasysh? E njeh? Janë tableta ato, të blesh salsiçe dhe t’ia futësh brenda, tak, që ta hajë, se kështu i merr erë. T’ia bësh, do marësh salsiçe, fute brenda, që të mos ashtu ai! E kupton?
Qytetari: Po!
Shitësi: Dhe hidhe ta hajë! E hëngri, shkoi në p*** të s’ëmës ai. Po ja dy kokrra do të jap unë, çi do ti, se 1 mijë lekë bëjnë, se më shumë s’ke ç’i do. Më kupton?
Qytetari: Po çi dua unë, s’do vras veten.
Shitësi: (Qesh) Se mo i harron në makinë!
Qytetari: Jo!
Shitësi: Se janë shumë helmues këta. E more vesh? Fute brenda në salsiçe dhe hidhja!
Qytetari: Rrofsh! Faleminderit!
Shitësi: Mirupafshim!
Farmaci bujqësore – PASKUQAN
Qytetari: Kam ca qen aty te shpia dhe dua t’i helmoj!
Shitësja: Më hap helmues për kafshët është ky.
Qytetari: Ok! Edhe si t’ia bëj tani?
Shitësja: Ia hedh aty tek, tek buka ose te gjella! Ose në qoftë se do me ia hedh aty te sallami!
Qytetari: Hë..
Shitësja: Më mirë merr këtë copën e…, që është si tip çokollate, futja aty mes sallamit edhe ta hajë! Kjo është, kjo 1500-nd është si tip paste kjo edhe kjo i koagulon gjakun. Po gjynahet do t’ia bësh ti! 1500-nd. Përdorimi është futja në mes sallamit, që mos ta kuptojë, mes sallamit dhe futi pak nga kjo! Është, janë nja 3 bustina ato./tvklan.al
“Donte të vriste veten, dashnori ma bënte me shenjë”/Veterineri shet produktin e ndaluar: Mos ia trego kujt se më more në qafë!
Përgjatë hetimit të emisionit “Stop” në Tv Klan në disa farmaci bujqësore në Kuçovë, Shkozë, Paskuqan e Kamëz mbi tregtimin e fostoksinës, rezultoi se ky produkt i ndaluar ligjërisht shitet lirshëm në këto pika. Në një rast, një veteriner në Kamëz tregon se ka ardhur edhe një grua për ta përdorur fostoksinën për vetëvrasje, ndërsa i dashuri i saj i bënte me shenjë të mos ia jepte.
Farmaci bujqësore – KAMËZ – TIRANË
Qytetari: Kam nja dy qen rrugaçë atje. Dua noi ilaç, t’i helmoj!
Veterineri: I vetmi ilaç, që disponoj, është një kokërr, fostoksinë quhet. Do marrësh të paktën 3 kokrra!
Qytetari: Hë, hë…
Veterineri: Fostoksinë kokërr!
Qytetari: Po!
Veterineri: Do ia futësh në qese me suxhuk, me sallam, a me salsiçe, a ku di unë!
Qytetari: Po!
Veterineri: Do i lësh nja 4-5 ditë!
Qytetari: Po!
Veterineri: Ato 3 kokrra do i heqësh nga qesja, që do të jap unë! Do i lësh, mbas 4-5 ditësh, do e marrësh mishin dhe do i gjush atyre qenve, që vijnë aty. Nuanca që çliron, ato i futen ushqimit dhe i helmojnë ato. Aman për këtë Zot, as mos ia trego kurrkujt, se më merr më qafë! Të lira, po mos i prek me dorë! Më kanë ardhur femra këtu. Më kanë ardhur këtu, më kanë thënë dua fostoksinë. Përse e do, i kam thënë unë. Për ça e du,tha, du me mbyt veten. Dashnori i saj aty i prekte kryet në derë aty. Dashnori i saj ma bënte me gisht “mos ia jep”./tvklan.al
Denoncimi, ç’po ndodh me veprën e De Radës, zhduket nga qarkullimi
Agron Dalipaj, gjuhëtar dhe studiues, thotë se De Rada është censuruar nga institucionet, pasi botimi i kolanës së veprave të plota të tij, nuk gjendet në asnjë librari. Ne u ndalëm në Bibliotekën Kombëtare, ku punonjësja na thotë se ka vetëm një kolanë të vitit 2014 dhe një studim të De Radës, i përkthyer në vitin 2020.
“Stop” shkoi edhe në fakultetin e Gjuhë-Letërsisë, ku na u vunë në dispozion pjesa e parë e veprave letrare të De Radës nga kolana e Ministrisë së Kulturës. Në Akademinë e Shkencave pranë Bibliotekës u tha se botimi është bërë mes Ministrisë së Kulturës së Shqipërisë e Kosovës dhe është dhuruar.
