Kjo është shfaqja që i ndan këto studentë të artit nga ky emër për ti quajtur më vonë aktorë. Projekti teatror ” Ndrikullat” është diploma për profesionin e studentëve të vitit të katërt dramë. Vepra e autorit kanadez është dramaturgji specifike pasi në të protagoniste janë 15 gra. Nga 17 deri në 93 vjeç. Çdo rol nxjerr karakterin e gjithsecilit student që do të mbrojë mjeshtërinë e studentit.
Në rolin kryesor janë Adriana Tolka, Esmeralda Rudi, Hygerta Sako, Aurela Gaçe e të tjerë. Skenografia është e studentit Arian Mia, regjia e Milto Kutalit. Drama “Ndrikullat” ka një përthyerje me ralitetin e sotëm shqiptar, është një copëz jete. Një botë e ngushtë, thashetheme dhe ligësi, perversitet dhe ëndrra të thyera. E qeshura dhe e qara janë shumë pranë po aq sa dhe këta studentë me emrin aktorë./tvklan.al
Gazetare: Holta Zhiti
