Kryeqyteti i Holandës, Amsterdami, nuk do të lejojë më ndërtimin e hoteleve të reja si pjesë e “luftës” kundër turizmit masiv. Lajmin e kanë bërë të ditur autoritetet lokale të mërkurën e 17 Prillit.
“Ne duam ta mbajmë qytetin të jetueshëm për banorët dhe vizitorët. Kjo do të thotë: nuk ka mbiturizëm, nuk ka hotele të reja”, thuhet në një deklaratë.
Sipas rregullave të reja, një hotel i ri në Amsterdam mund të ndërtohet vetëm nëse mbyllet një tjetër me kushtin që ndërtesa e re të jetë më e mirë. Megjithatë, rregulli nuk zbatohet për hotelet e reja që kanë siguruar tashmë një leje ndërtimi.
Qyteti është përpjekur në mënyrë aktive të kufizojë numrin e turistëve, të cilët arrijnë në miliona brenda vitit. Kjo është masa e fundit e një serie masash që kryeqyteti holandez ka marrë për të zbutur çështjen e mbiturizmit në qytet.
Vitin e kaluar, Këshilli i Amsterdamit votoi për ndalimin e anijeve të lundrimit dhe mbylljen e terminalit të lundrimit. Qyteti gjithashtu ndaloi përdorimin e marijuanës në rrugët publike në lagjen e dritave të kuqe./tvklan.al
