Hedhja e shortit për anëtarët e rinj të Këshillit të Emërimeve në Drejtësi u shoqërua me debat mes opozitën dhe mazhorancës. Deputetët e opozitës e cilësuan antikushtetuese procedurën e ndjekur nga kuvendi, me argumentin se ky këshill nuk mund të zgjidhet pa u ngritur më parë Këshilli i Lartë i Gjyqësorit dhe ai i Prokurorisë
“Deri në krijimin e këshillit të lartë gjyqësor dhe Këshillit të Lartë të Prokurorisë, është e pamundur të zgjedhim një KED, e cila do të jetë një KED e përkohshme. Ne kërkojmë që këtë çështje ta trajtojmë në këshillin e legjislacionit”, tha Eduart Halimi.
Për socialistët procedura e ndjekur nga Kuvendi është në respekt të kushtetutës dhe ligjit.
Ulsi Manja, Kryetar i Komisionit të Ligjeve, PS: “Nëse duan që të mos humbim asnjë minutë kohë në krijimin e organeve të reja të sistemit të drejtësisë, hajdeni të zbatojmë ligjin dhe Kushtetutën dhe t’i japim frymëmarrjen e duhur sistemit të drejtësisë në vend.”
12 anëtarët e rinj të Këshillit të Emërimeve në Drejtësi, nga të cilët 9 janë të përhershëm dhe tre zëvendësues erdhi pas mbarimit të mandatit njëvjeçar të këtij organi, shorti për të cilin u hodh në janar të këtij viti.
Këshilli i Emërimeve në Drejtësi është organi i ngarkuar me ligj që do të bëjë vlerësimin dhe renditjen e kandidatëve për Inspektor të Lartë të Drejtësisë dhe anëtarë të Gjykatës Kushtetuese.
Anëtaret e rinj të KED
Gjykata Kushtetuese
Besnik Imeraj
Altina Xhoxhaj
Vitore Tusha (zëvendësuese)
Gjykata e Lartë
Artan Broci
Shkëlzen Selimi (zëvendësues)
Prokuroria e Përgjithshme
Rovena Gashi
Prokurorët e Prokurorive pranë Gjykatave të Apelit
Gentjan Trenova
Fatjona Memçaj
Gjykatat e Apelit
Endon Dhimitri
Fatos Qato
Gjykatat Administrative
Ahmet Jangulli
Anëtari zëvendësues nga Gjykatat e Apelit dhe Administrive
Sotiraq Lubonja
/Tv Klan