Kryetari i Partisë Demokratike, Lulzim Basha, ka akuzuar të enjten Kryeministrin Edi Rama se po ‘blen’ kohë për që të shkatërrojnë provat e krimit me ish-ministrin e Brendshëm Saimir Tahiri.
Për këtë akuzë, kryedemokrati ka sjellë denoncimin e një qytetari, i cili i ka shkruar duke i thënë se “Shtëpia (e Tahirit) po pastrohet e po krefet me thasë! Ernest Dimashi, Drejtori i IT, po pastron laptopin dhe celularët e Saimirit”.
Postimi i plotë i Bashës:
“Ja si Edi Rama blen kohë për ushtarin e tij ndërkohë që shkatërrojnë provat e krimit:
“Zoti Basha prej 3 netësh në darkë të shtëpia e Tahirit janë mbledhur shumë njerëz që kanë hyrë e kanë dalë. Shumë prej tyre tipa të fortë e të veshur në të zeza! Shtëpia po pastrohet e po krefet me thasë! Ernest Dimashi, Drejtori i IT, po pastron laptopin dhe celularet e Saimirit”.”
Prokuroria e Krimeve të Rënda kërkoi të enjten nga Kuvendi i Shqipërisë autorizimin për heqjen e imunitetit të deputetit Saimir Tahiri, në vijim të një hetimi të nisur për veprat penale të “
Trafikut të narkotikëve
”, kryer në bashkëpunim, në formën e posaçme të grupit të strukturuar kriminal dhe “
Korrupsionit pasiv të zyrtarë të lartë shtetërore dhe të zgjedhurve vendorë
”.
/tvklan.al