Ministri i Punëve të Brendshme, Dritan Demiraj priti në takim ambasadorin e Republikës së Italisë në Tiranë, Alberto Cutillo, me të cilin biseduan rreth bashkëpunimit të frytshëm dypalësh.
Në një njoftim për mediat thuhet se, ambasadori italian Cutillo i shprehu ministrit Demiraj përgëzimet për postin e Ministrit të Punëve të Brendshme, në këtë moment delikat dhe të rëndësishëm për vendin. Ai i parashtroi ministrit Demiraj, bashkëpunimet e rëndësishme ndërmjet dy palëve dhe shprehu dëshirën për t’i vijuar dhe zgjeruar ato.
Ndërsa Ministri i Brendshëm Demiraj u përqendrua tek prioritet e mandatit të tij, duke iu referuar luftës me zero tolerancë kundër kultivimit dhe trafikimit të lëndëve narkotike, garantimin e një procesi zgjedhor të qetë dhe mos përfshirjes së Policisë në proces, si dhe garantimin e një sezoni turistik të sigurt./tvklan.al
