Kritikat ndaj Angela Merkel nga ana e Donald Trump nuk mund të pranohen nga europianët,
kështu u shpeh Ministri francez i Financave, ditën e martë. Michel Sapin deklaroi se kritikat ndaj Europës nga presidenti i zgjedhur, shërbejnë vetëm për të përforcuar solidaritetin europian.
“Sa më shumë deklarata të tilla të bëjë Trump, aq më shumë afrohen europianët me njëri – tjetrin”
, tha Sapin për gazetarët.
Në një intervistë për “
The Sunday Times”
, Trump tha se Merkel ka bërë një “gabim katastrofik” me politikën e saj për hapjen e kufijve për refugjatët.
Trump sugjeroi gjithashtu se sulmi në tregun e Krishtlindjes në Berlin nga një tunizian, ishte një prej efekteve të politikave të Merkel. Ai i përshkruajti refugjatët sirianë me fjalët; “të gjithë këto ilegalë”.
Sapin tha se kritika të tilla nga presidenti i zgjedhur janë të pa pranueshme.
“Sulmi ndaj Kancelares nuk është një argument, të cilin mund ta pranojmë as si francezë e as si europianë
”, u shpreh ai.
Edhe Sekretari i Shtetit i SHBA, John Kerry tha se ishte e pavend nga ana e Trump që të ndërhynte në politikat e një vendi tjetër duke sulmuar Merkel.
Kancelarja gjermane pritet të vendosë datën për një takim këtë pranverë me Trump, i cili do të betohet si president i SHBA të premten.
//tvklan.al