Mashtrim të radhës e ka cilësuar Partia Demokratike rishikimin e buxhetit nga ana e qeverisë, e cila ka parashikuar një fond prej 32 milionë dollarësh për uljen e defiçitit.
Sipas ish- Ministrit të Financave, Ridvan Bode shifrat flasin të kundërtën, thellim të evazionit dhe rënie të performancës fiskale.
Financimi i 51 projekteve të nisura nga qeveria e djathtë në infrastrukturë, sipas demokratëve janë akt pendues i qeverisë për të zbutur efektet e dështimeve të saj.
Ndërhyrjen në buxhet për personat me aftësi të kufizuar, Bode tha se Opozita e kishte paralajmëruar që në hartimin e ligjit nga ana e qeverisë.
Opozita e cilëson tallje edhe deklaratën e kryeministrit për heqjen e tatimorëve të pushtetit vendor.
Sipas Bodes shifrat flasin për një trajtim armiqësor të qeverisë ndaj buxheteve lokale.
Demokratët thonë se çdo rritje e të ardhurave apo shpenzimeve të buxhetit do të sillte rritjen e defiçitit të tyre në buxhet.
Për ish-Ministrin e Finacave kryeministri Rama është duke bërë thjesht arnime buxhetore që synojnë të rialokojnë sipas tij dështimet apo paaftësinë e qeverisë.
Tv Klan