Deputeti i Partisë Demokratike Flamur Noka është përjashtuar nga seanca e sotme parlamentare pasi debatit të ashpër me Kryeministrin Edi Rama.
Gjatë fjalës së kreut të qeverisë që replikonte me ish-Kryeministrin Sali Berisha, Noka shkoi drejt foltores së Parlamentit duke ofenduar Kryeministrin.
Pjesë nga debati:
Flamur Noka për Kryeministrin:
Ç’është ky? Nga është ky mo?
Gramoz Ruçi:
Të tërheq vëmendjen. Noka të tërheq vëmendjen, ulu poshtë mos pengo seancën.
Edi Rama:
Unë nuk i thashë as injorant, nuk i thashë as idiot, unë nuk i thashë as kriminel, nuk thashë asgjë nga fjalët që tha ai (Sali Berisha). Unë i thashë thjesht dhe vetëm një opinion, një llaxore më e madhja që ka ky vend.
Ç’është ky mo?
Flamur Noka – Kryeministrit:
Rrugaç…
Gramoz Ruçi:
Të tërheq vëmendjen për të pestën herë dhe do të të përjashtoj nga seanca.
Rama për Nokën:
Nga ç’pyll e keni sjell këtë mo?
Flamur Noka:
Nga pylli i sat ***
Edi Rama:
Në ç’pyll e gjete këtë Sali, nga ka dalë ky? Ç’është ky mo? Futeni në strofull këtë mo. Nga doli ky mo?
Gramoz Ruçi – Flamur Nokës:
Pasi të kam tërhequr vëmendjen, pasi kam dhënë vërejtje, ke 2 minuta që po pengon seancën, të përjashtoj nga seanca plenare.
Pas këtij momenti, punimet e Parlamentit u ndërprenë dhe rifilluan pas disa minutash.
/tvklan.al
