Humbja 3 – 2 me Teutën në Gjirokastër nuk është kaluar lehtë te Luftëtari. Klubi gjirokastrit kundërshtoi vendimet e gjyqtarëve, duke shtuar se po dëmtohen në garën e tyre.
Në fund të sfidës lojtarët protestuan te kryesori Blerim Ziri. Gjyqtarët janë sulmuar edhe nga disa tifozë kur po largoheshin me makinën e tyre nga stadiumi, por pa pësuar gjë.
Dëme të vogla pati vetëm automjeti, ndërsa më pas janë shoqëruar nga policia. Drejtuesit e Klubit të Futbollit Luftëtari u mblodhën për të diskutuar rreth situatës, por ende nuk kanë marrë ndonjë vendim. Nga ana tjetër Teuta rikthehet te fitorja pas 7 javësh në kampionat. Ky sukses i jep pak frymëmarrje Teutës, që po kalonte një krizë pas nisjes të mirë të sezonit. Ky takim hapi javën e dhjetë të Superligës që do të luajë ndeshjet e tjera të enjten./Tv Klan
