Skënderbeu – Partizani është kryesfida e javës së tretë në Superligë. Sezonin e kaluar të kuqtë morën 4 pikë nda dy ndeshjet e luajtura në Korçë, por këtë sezon ende nuk kanë fituar. Të shtunën në orën 19:00 pritet një sfidë e fortë mes prentendentëve për titullin.
“
Marrja e fitores do të thotë edhe 3 pikë më pak për rivalin. Për të shkuar te fitorja duhet të djerësijmë shumë.”
, tha Ilir Daja, Trajner i Skënderbeut.
Mark Iuliano pret që ekipi të reagojë në Korçë, pasi një sukses ndaj Skënderbeut do të thotë më shumë se 3 pikët.
“
Vlen shumë fitorja për pikët, për edhe për moralin. Pritshmëritë për të arritur diçka të mirë janë. Rivalin e kam studiuar dhe po bën një paraqitje të mirë në Europë, por duhet të marrim një rezultat ndaj një rivali direkt për titullin.
”
Në pritje është Kukësi që këtë javë do të presë Laçin. Mladen Milinkovic mund të ketë një shtysë më shumë, pasi ekipi i tij luan një ditë më vonë.
“
Renditja do të ndryshojë, pasi Skënderbeu luan me Partizanin dhe Teuta me Flamurtarin dhe besojmë se deri në pushimin e kampionatit do të ketë ndryshime të vazhdueshme dhe atëherë do të shikohen favoritët për titullin.”
Pas 2 javëve të para Superliga kryesohet nga Teuta me pikë të plota./Tv Klan
