Inspektime on line apo “old style”? Vijon groposja e ilaceve…

Disa ditë më parë u vu në funksionim inspektimi on line i disa inspektoriateve, mes të cilëve edhe AKU.Kreu i Inspektoriatit Qendror dhe ai AKU rajonale, shpjegojnë, sesi do të kryhen kontrollet.Por kjo nuk e ka penguar Agjensinë Kombëtare të Ushqimit të kryejë edhe kontrolle “old style”, duke gjobitur 20 snak bare e restorante në bllok, nga 23 subjekte të kontrolluara.Vijon masakra mjedisore me ilacet e hedhura dhe të groposura në Shkozë, rruga e Farkës. “Stop” i rikthehet këtij problemi, duke i bërë thirrje për ndërhyrje edhe inspektoriatit të Mbrojtjes së Mjedisit.

Sa “i shet” shërbimet ndaj qytetarëve, policia që duam?!…

Një grua denoncon në “Stop” historinë e saj të mitmarrjes me zyrtarë të policisë së shtetit. Pas problemeve me dadon e vajzës dhe për shkak të konfliktit me të, u desh ndërhyrja e forcave policore të komisariatit nr.4. Por nga ky moment fillon për zonjën një kalvar pazaresh, në mënyrë, që problemi i saj, të mbyllej njëherë e përgjithmonë. Specialisti i krimeve i kërkon 1000 euro, por pas gatishmërisë për t’ia dhënë këtë shumë, nis pazari për 500 euro të tjera nga ana e punonjësve të “policisë që duam”….?!

Kronikë më e zgjeruar:

“Emisionit “STOP” i jam drejtuar për të zbardhur një të vërtetë, e cila më është shkaktuar nga Policia e Rajonit numër 4. Para disa kohësh për shkak të impenjimeve të mia, marr një dado për vajzën e vogël dhe pas disa kohësh vendosa të mos e marr pasi konstatova, që nuk ishte e përshtatshme për fëmijën tim. Kur shkova ta marr, dado nuk pranonte të më jepte fëmijën tim, arriti puna në debate, u njoftua edhe policia. Ai oficeri që e mori çështjen në dorë më thotë që s’ka problem dhe më shkruan një shumë prej 1 000 eurosh, që ta mbyllim shpejt e shpejt pa probleme këtë punë, pa bërë ato denoncim. Unë thashë për çfarë arsye do të bëjnë ato denoncim?! Sepse jam unë për të bërë denoncim… Për ta mbyllur këtë gjë, që të shkoja sa më shpejt tek fëmija i thashë në rregull, do t’i jap ato 1 000 euro. Ai duke parë gatishmërinë time më thotë jo 1 000 euro, por 1 500 euro. Shko gjej me sekonda 1 000 euroshin dhe pjesën tjetër më mbrapa, më tha dhe ndërkohë vajzën po e mbaj peng. Me zor i bëmë 1 000 euro, i mori ato dhe djalit që i dha paratë, i thoshte të mos harroja 500 euroshin. Menjëherë pas kësaj iu drejtova emisionit “STOP”, për t’i marrë sërish ato para, pasi nuk janë pak.”

Nëpërmjet kamerës së fshehtë dalin në pah pazaret, që bën Ramazan Hoxha, Specialist Krimi në Komisariatin numër 4 në kryeqytet me qytetaren që iu drejtua emisionit “STOP”.  

Shefi – Ç’kemi?

Qytetari – Mirë!

Shefi – Si jeni? Si ia çon?

Qytetarja – ……. të kam kërku. Ti a ke qënë aty, se më kanë thënë, që s’është.

Shefi – Mund të mos kem qënë, se s’kanë shans të thonë ata, që s’është. Një ditë kam qënë në analizë unë në…te 15-katëshi. Në mbledhje. Kështu që…

Qytetarja – Tashi, erdha me të kërkuar një nder.

Shefi – Hë?

Qytetarja – Unë fola me burrin. Burri… Ish-burri, se më ka ngel burri. Tashi, ai do t’i çojë në emrin tënd. Po vetëm tha, aman, na i ul tha. Edhe vrasje të kishte qenë tha, nuk do ishte bërë aq e madhe. Se folëm kështu në viber. Nuk flasim, pa merak. Ndonjë ulje të vogël?

Shefi –  Unë s’të kam vënë kusht.

Qytetarja – Ë?

Shefi – Nuk të kam vënë kusht. As të thashë, jo në këtë formë, as në atë formë. 

Qyetarja – Jo, prandaj.

Shefi – Kështu që…

Qytetarja – Se me ato… Se më kanë ardhur, ma kanë kërkuar prapë gocën.

Shefi – Thuamë pra, ti pse s’thua?

Qytetarja – Edhe më thanë: denoncim s’të kemi bërë.

Shefi – A të thashë, që e mbylla unë? A të thashë unë ty, që s’ka për të fol njeri me gojë?

Qytetari – Po!

Shefi – Po, pra! Po pra! Përveç teje… Si e mbylla unë…

Qytetarja – E prandaj, tha ajo…

Shefi – A të thashë unë, ty nëqoftëse do të të thonë një fjalë, hajde këtu. Nëqoftëse s’do të bësh më llafe?

Qytetari – Po, do më marrësh mua direkt.

Qytetarja – Tashi 1000 euro i dhamë. Tashi dhe sa do na e ulësh?

Shefi – Po ç’muhabete bën?

Qytetarja – Që të jemi…mos të jem…

Shefi – Jo, se dua unë.

Qytetarja – E di…Sa do na i ulësh? Që të jem…

Shefi – Sa të duash ti. Sa do?

Qytetarja – Ë?

Shefi – Sa do?

Qytetarja – Po të ngelemi të dy të kënaqur domethënë.  Se rrethi është i ngushtë. Ato 1000 euro ne i gjetëm borxh, i gjetëm andej. Tashi, ato të tjerët, me zor po i gjejnë andej. Nuk e di nga do i gjejnë. Si thua ti? 300? 250? 330 ë?

Shefi – …

Qytetarja – 300? Ok! Po kur do ta lemë të takohemi? Nesër. Unë po i them, t’i dërgojë nesër. Në rregull. Edhe takohemi. Unë të mos vij te komisariati, se atje s’dua.

Shefi – Pse nuk i re telefonit?

Qytetarja – I rashë, më doli i zënë. Më dilte i zënë… Ja, ta tregoj dhe telefonin. Hera e parë, që t’i kam rënë. Ja…kupton? 2 herë. Mirë! Takohemi nesër?

Shefi – Në telefon edhe…kur ë nesër?

Qytetarja – Sa të m’i sjelli ai e…

Shefi – Telefon.

Qytetarja – Ë.

Shefi – Pimë kafe.

Qyetarja – Mos kem nevojë, për me pas siklete nga të tjerët.

Shefi – ……….

Telefonata me Ramazan Hoxhën

Qytetarja – Jam te komisariati, po më tha ky, që s’je ti. Ku të vij unë? Po, unë mora pak gocën, 2 minuta e të ashtu. Sa mora dhe ilaçet… Ë pra… ok! Ku të takoj? Ë, mirë. Ta takoj këtu? Tani? Në rregull, në rregull, në rregull!

Qytetari – Çfarë të tha?

Qytetarja – Do të çoj numrin e një inspektori tha, ta takosh aty. E do vijë, t’i marri në emrin tim.

Telefonata me Inspektorin 

“Qytetarja – Alo! Më fal! Më dha numrin shef Ramazani. Ti, në komisariat je? Se unë këtu te komisariati jam. Je afër? Shumë mirë. Të të pres këtu, pra. Në rregull, në rregull! Se jam dhe me fëmijë të vogël, prandaj.

Fëmija – Mami!

Qytetarja – Jo nuk ik.

Qytetari – Nuk ikën mami!

Qytetarja –O, ti qenke!

Inspektori – Jemi parë.

Qytetarja – Po pra, jemi pa atë ditë. Si kalove?

Inspektori – Si kaloni, mirë?

Qytetarja –Mirë!

Inspektori- Ça do? Ça donte Ramzani?

Qytetarja – Ja, do i japësh një porosi. 300 -shen e eurove.

Inspektori – Për Ramazanin?

Qytetarja – Po.

Inspektori – A fole me të?

Qyetarja – Po, po, kam fol. Pa merak, thuaji mbarova punë me….. Edhe 300-shen.

Inspektori – Dakord!

Qytetarja – Në rregull?

Inspektori – Hajde, mirupafshim!

Qytetarja – Po vetëm amanet, pash Zotin, se…

Inspektori – Po s’bëhet fjalë, se mori në telefon vetë 10 herë.

Qytetarja – A, të mori dhe vetë në telefon?

Inspektori – 10 herë, jo 1 herë!

Qytetarja –Bëji të fala shefit!

Inspektori – Të fala paç!

Qytetarja – Thuaji Ramazanit, aman mos kem probleme më, me ato.

Inspektori – Nuk e di tani unë, s’jam në dijeni fare. Po nuk bë het fjalë me pas ma!

Qytetarja – Mirë. Ok, në rregull! Faleminderit!”

Menjëherë pas transmetimit të materialeve filmike në “STOP” Ministri i Brendshëm Saimir Tahiri ka dërguar një mesazh në telefonin e moderatorit Saimir Kodra ku shkruan:

“Ju falenderoj shumë për materialin që transmetuat. Është ndihmë e vyer për Policinë, më të pastër, të pakorruptuar dhe pa korrupsion. Shërbimi i Kontrollit të Brendshëm po vepron menjëherë me arrestimin e policëve përgjegjës.”

Solidaritet për familjet në nevojë në “Stop”.

Në këtë pjesë të programit “Stop” dhe organizata mbështetëse u vijnë në ndihmë familjeve në nevojë. Kështu Komuniteti Mysliman Shqiptar cojnë ndihma në ushqime dhe veshmbathje në familjen e Gjergj Muzhaqit në fshatin Ciflig, Lumas në Kucovë. Gjergji dhe bashkëshortja e tij Antonela në muajin dhjetor u bënë prindër trenjakësh.Redaksia e emisionit dhe “Stop krimit” kanë siguruar një krevat ortopedik për Marselën e sëmurë në Durrës, pas kërkesës së nënës së saj.Edhe shumë qytetarë kanë dhënë shuma financiare për këtë familje.