General Motors ka projektuar një makinë super inteligjente, e cila udhëton pa u komanduar nga njeriut. Për këtë arsye ajo nuk ka as timon, as pedale apo kontroll manual.
E quajtur Cruise AV, makina vepron në mënyrë të tillë që dyert e saj për pasagjerët të hapen në mënyrë automatike.
Drejtuesit e General Motors u shprehën për “The Mirror” se makina e re është e pajisur me sensorë që identifikojnë këmbësorët që dalin papritmas përpara, dhe frenon, duke shmangur aksidentin.
Cruise AV do të jetë elektrike, duke reduktuar emetimet e automjeteve dhe duke kontribuar kështu për një mjedis më të mirë.
Kjo makinë është e pajisur me softuer dhe hardware, duke përfshirë 21 radarë, 16 kamera dhe pajisje ndijimi që përdorin dritën lazer që ndihmojnë për të parë makinat e tjera.
General Motors pritet që ta nxjerri në treg Cruise AV në 2019.
Klan Plus
