Dy mjekë janë proceduar në gjendje të lirë pas vdekjes së një 36-vjeçareje. Sipas policisë, dyshohet se ata nuk i kanë dhënë mjekimin e duhur viktimës.
Të proceduarit janë 49-vjeçari M.S. me detyrë mjek i urgjencës pranë Qendrës Shëndetësore Shijak dhe O.S., 27 vjeçe, banuese në Tiranë, me detyrë mjeke e familjes pranë qendrës shëndetësore Shijak.
Sipas policisë, viktima ishte paraqitur disa herë për mjekim në Qendrën Shëndetësore Shijak. Ajo ka shkuar në banesë e më pas ditën e djeshme është dërguar në Spitalin Rajonal Durrës ku dhe ka ndërruar jetë.
Materialet i kaluan Prokurorisë së Rrethit Durrës për veprën penale “Mjekim i pakujdesshëm”./tvklan.al
