Ai humbi familjen dhe kërkonte të shkonte pas tyre. 4 të mbijetuar nga një aksident i frikshëm. Duhet të rigjejnë forcën tek dashuria për të rishkruar jetën e tyre. Nuk ishin ata që u përplasën, por fatet e tyre. Nga kompania më e suksesshme “Ay Yapim” dhe nga regjisori i “Ezel” apo “I infiltruari”, vjen suksesi i radhës. Një serial i jashtëzakonshëm me kastën më të famshme, me aktorët yje si Kivanç Tatlitug, Elçin Sangu, Melisa Pamuk, Alperen Duymaz e shumë të tjerë. “Ironia e Fatit”, premierë ekskluzivisht vetëm në Tv Klan
Fituesi i 35 çmimeve ndërkombëtare, nga 206 kandidatura. 2 çmime “Golden Globe” si seriali dramatik më i mirë i vitit dhe seriali më i kandiduar në çmimet Emmy. Seriali politik më i ndjekur dhe më i përfolur i 5 viteve të fundit. Hakmarrja e një politikani sëbashku me gruan e tij, kundër atyre që e tradhtuan. I mashtruar nga Shtëpia e Bardhë, një kongresmen amerikan vendos të ngjitet i pamëshirshëm në majën më të lartë të pushtetit. Shantazhi, joshja dhe ambicia janë armët e tij. Një nga serialet më të klikuar në Netflix, për herë të parë në një televizion shqiptar. Me Kevin Spacey dhe Robin Wright, “House of Cards”, seriali i rekordeve në audiencë, premierë ekskluzive në Tv Klan.
Një dramë e fuqishme e vetësakrificës dhe përkushtimit, me një lojë aktoriale brilante, nga ylli fëmijë, Beren Gokyildiz, e njohur për rolin e saj tek seriali “Nënë”. Oyku është një vajzë shumë e zgjuar 8-vjeçare, e rritur nga tezja e saj. Një mbrëmje ajo ngelet krejt fillikat, vetëm me një adresë të një zotërie me emrin Demir, që në fakt është babai që nuk e ka njohur kurrë.
Serial thriller-aksion "Fauda" (Kaos) rrëfen historinë e dy anëve të konfliktit Izrael - Palestinë. Doron, kreu i njësisë të shërbimit sekret izraelit, i infiltruar në territoret pelestineze së bashku me skuadrën e tij, në ndjekje të terroristit të Hamasit Abu-Ahmed. Në anën tjetër jeta e Abu-Ahmed dhe familjes së tij. Një terrorist shumë i kërkuar i cili akuzohet për vrasjen e 143 izraelitëve, nuk e pranon shtetin e Izraelit dhe që do të vazhdojë deri në vdekje të jetë një xhihadist.
Abdylhamit Han ishte sulltani më modern dhe inovator i të gjitha kohërave. Ai kishte shumë projekte për të ardhmen e shtetit, madje planifikoi edhe një tunel nënujor në Stamboll, i cili u ndërtua në vitin 2017. Ai ishte vizionar dhe filantropist. Sidoqoftë, si pasojë e disa tradhtarëve brenda pallatit dhe madje edhe brenda familjes së tij, ai nuk arriti dot t’i përfundonte të gjitha projektet e planifikuara.
Ai humbet avionin që rrëzohet më pas. Vdekja e tij e rreme e ngjit atë në majë të klasifikimeve si artist. I detyruar të arratiset për të filluar një jetë të re, me një identitet tjetër, si Migel, ai takohet me Lusian, një nënë e divorcuar me 2 fëmijë. Një krim i stisur rrënon një dashuri të madhe. 20 vjet më pas, secili ka nisur një jetë të re, larg njëri-tjetrit. Ish-Lusia, tashmë DJ Ariela duhet të ribashkojë familjen e saj dhe të rigjejë dashurinë e humbur. Duke shëruar plagët e së shkuarës, vetëm ti mund t’i ofrosh jetës tënde një shans të ri. “Një mundësi e dytë”, seriali më i suksesshëm në Brazil, prodhim i vitit 2018-2019, me yllin brazilian Giovanna Antonelli (Zhade në serialin “Kloni”), nga data 3 Shtator, çdo ditë nga e hëna në të shtunë, në orën 16:05, premierë në Tv Klan.
“Çukur” (Gropa) është emri i një prej lagjeve më të rrezikshme të Stambollit, ku të gjithë njerëzit e cilësojnë njëri-tjetrin anëtarë të një familjeje të madhe që mbijetesën e siguron nga paratë e krimit. Një histori rrënqethëse mbi dashurinë, familjen dhe komunitetin, bazuar tek një i ri që rikthehet në lagjen e tij të vjetër për të zëvendësuar të atin si kreu i një klani kriminal. “Çukur” tregon historinë e Jamaçit nga familja influente Koçova që sundon Çukurin. Kur Jamaç takon Senën, ai bie në dashuri me të dhe martohet brenda pak ditësh.
Ertugrul, njeriu që vendosi për fatin e botës. Ai që themeloi perandorinë më të madhe e cila sundoi botën për 6 shekuj. Seriali më i mirë i vitit 2015, triumfues në shikueshmëri që nga episodi i parë. Seriali më i kushtueshem deri më tani me veshje dhe skenografi mahnitese! I vlerësuar nga kritika, fitues i dhjetera çmimeve dhe i bazuar në ngjarje historike. Në këtë luftë ka spiunë, tradhëtarë dhe kalorës. Në këtë udhëtim ka intriga, rreziqe dhe vdekje. Në këtë histori ka miqesi, sakrificë, guxim dhe trimëri. Në këtë sagë ka një histori magjepsëse dashurie.
Historia e dy motrave, fati i të cilave do të përcaktohet nga pamja e tyre e jashtme. Jeta e Sadnes, vajzës së adoptuar është e lumtur. Të gjithë e duan pasi është e bukur. Ndryshe ndodh me të motrën e cila nuk gëzon hijeshinë e saj.Nëna e tyre bën diferenca mes vajzave, duke dashur më shumë atë biologjike. Sadna fillon të “ndëshkohet” për bukurinë e saj, por Ragini e do atë pa kushte.
Në historine më të bukur të dashurisë, mes hakmarrjes dhe ndjenjave të sinqerta. Xhesuri i pashem vjen tek më i forti dhe më i pasuri i zonës me një plan të caktuar, pa e ditur që zemrën do t’ja vjedhë me shikim të parë Syhan, vajza e bukur e armikut te tij të përbetuar. Xhesuri dhe e bukura, një tjetër sukses i padiskutueshëm!
EUR
121.20
121.90
USD
109.40
110.20
GBP
135.70
137
CHF
110
111
