Gjykata e Tiranës ka lënë në burg 5 grabitësit e arrestuar dy ditë më parë, si autorë të dyshuar të disa grabitjeve të ndodhura në kryeqytet.
Dorjan Lamani (Qirjazi), Klodian Çypi, Halil Topalli, Redian Begaj, Dajvid Dosti u ndaluan pas grabitjes së një shumë të konsiderueshme eurosh, bizhuterish dhe sendesh të tjera me vlerë.
Gazetarja e Klan News, Glidona Daci solli më shumë detaje nga seanca e zhvilluar këtë të enjte.
“Në gjykatë pala mbrojtëse, të paktën për 4 të pandehurit e kanë vlerësuar si të ligjshëm në flagrancë, ndërsa sa i përket masës së sigurisë ia kanë lënë në çmim gjykatës. I vetmi që ka pasur kundërshtime dhe ka bërë një mbrojtje të detajuar në këtë seancë ka qenë avokati i Redjan Begajt, për të cilin ka kërkuar që të specifikohet roli që ka pasur klienti i tij në këtë grabitje. Sipas tij arrestimi nuk është i ligjshëm duke qenë se klienti i tij është ndaluar në trotuar dhe nuk ka pasur lidhje të paktën me grabitjen e dy ditëve më parë. Sipas avokatit, Begaj ka pasur kontakte vetëm me Dorjan Lamanin, po nuk ka folur në asnjë moment për çështje grabitjesh apo çështje të tjera. Por këto pretendime u rrëzuan nga gjykata, që vendosi t’i lerë të gjithë në qeli”.
Sipas gazetares, Prokuroria e kryeqytet kishte dyshime që këta 5 persona do të grabisnin edhe një exhange dhe se kishin hartuar edhe planin sesi do të kryhej grabitja. Gjithashtu prokuroria thotë se ka indicie që 5 të arrestuarit do të kryenin edhe një tjetër grabitje të një video luksoze. Prokuroria ka dyshime që këta persona kanë vepruar edhe më herët në grabitje të tjera./tvklan.al
