“Në Tetor nisin themelet e pallateve të reja në kryeqytet”
50 banesa individuale do të jenë lagja më e re që do të ndërtohet në zonën e Baldushkut. Shtëpitë janë pjesë e procesit të rindërtimit nga qeveria për familjet që u prekën nga tërmeti i 26 nëntorit.
Ecurinë e punimeve e pa nga afër Ministri i Rindërtimit, i cili tha se krahas shtëpive të reja, banorët e prekur nga tërmeti do të kenë mundësi të gëzojnë edhe tokën ekzistuese të shtëpive të prishura.
Ahmetaj tha se krahas banesave individuale në këtë zonë, të mërkurën qeveria miratoi edhe dy fonde që janë pjesë e programit të rindërtimit në kryeqytet.
Ndërkohë Nënkryetari i Bashkisë, Arbjan Mazniku tha se do të ndërtohen dy lagje të reja në Tiranë, te “5 Maji” dhe në Kombinat.
Të gjitha banesat e reja në kryeqytet pritet që punimet të nisin në muajin Tetor.
Tv Klan
