Një aksident rrugor është regjistruar këtë të hënë, 20 korrik, në Rrugën e Kombit, në segmentin Rubik-Rrëshen.

Sipas informacioneve paraprake, një automjet i tonazhit të rëndë është përplasur me një mjet tjetër, ku kanë mbetur të lënduar katër anëtarë të së njëjtës familje nga Republika e Kosovës.

Në vendngjarje kanë ndërhyrë shërbimet e emergjencës, ndërsa mësohet se të lënduarit ndodhen jashtë rrezikut për jetën.

Siç mund ta shihni edhe në pamjet e siguruara nga gazetari i Klan News, Martin Marku, automjeti është bërë copash.

/tvklan.al