Al Nassr po bën një lëvizje të fuqishme në merkato, duke synuar sulmuesin e Liverpoolit, Darwin Nunez. Klubi i yjeve, mes të cilëve edhe Cristiano Ronaldo ka paraqitur një ofertë zyrtare prej 70 milionë eurosh për të siguruar shërbimet e tij. Ky transferim po bëhet në një moment të rëndësishëm për klubin saudit, pasi ata janë gati të ndërtojnë një ekip të fortë për të tentuar titullin, pas humbjes së mundësisë në dy sezonet e fundit.
Nunez ka qenë një nga sulmuesit më të diskutuar në Premier League, por në “Anfield” nuk duket se është pjesë e planeve të trajnerit Slot. Të kuqtë janë aktualisht në bisedime për të sjellë Alexander Isak nga Newcastle, dhe kjo ka hapur mundësinë për Nunez të transferohet diku tjetër.
Sulmuesi ka kohë që ka përgatitur valixhet e tij dhe është i gatshëm për një ndryshim të madh. Me ofertën e Al Nassr dhe interesimin e klubit saudit për të ndërtuar një ekip të fuqishëm, mundësia për Nunez të transferohet në një kampionat tjetër, më shumë të fokusuar në zhvillimin e talentëve, mund të jetë një hap i natyrshëm për të.
Përveçse do të bashkohej me një ekip me ambicie të mëdha, uruguaiani do të gjejë mundësi të reja për të shkëlqyer. Duke marrë parasysh situatën e tij aktuale në Liverpool dhe synimet ambicioze të Al Nassr, një transferim në Arabinë Saudite duket gjithnjë e më i mundshëm.
Klan News
/tvklan.al












Botërori 2026 
