Albin Kurti ka dhënë dorëheqje nga posti i Kryeministrit. Kështu ka deklaruar ai përmes një letre drejtuar Sekretariatit të Kuvendit të Kosovës.

Bazuar në ligj, ata që e fitojnë mandatin si deputet e nëse janë pjesë e Qeverisë së Kosovës, pra kanë ndonjë pozitë ekzekutive si: Kryeministër, zëvendëskryeministër, ministër apo edhe zëvendësministër, duhet të japin dorëheqje nga pozita qeveritare.

Kjo pasi sipas rregullave, ata nuk mund të jenë njëkohësisht, deputetë dhe pjesë e ekzekutivit.

Ditën e sotme Kuvendi i Kosovës është mbledhur pas zgjedhjeve parlamentare të 9 Shkurtit, ku pritet të mbajë seancën konstituive të saj.

/tvklan.al