Banorët e fshatrave të fushës naftëmbajtëse Patos Marinzë, nuk kanë arritur një marrëveshje me Bankers Petrolium për pagesën e qirasë së tokave.

Pas dy protestave para zyrave të kompanisë në Fier, ata e zhvendosën reagimin pranë zyrave të firmës në vendburim.

Banorët kërkojnë që të respektohet kontrata për pagesën e qirasë të cilën Bankers kërkon t’ua përgjysmojë.

Një përfaqësi e banorëve u takuan me zyrtarë të kompanisë, por sërish nuk pati ndryshim të qëndrimeve. Hapi i radhës për banorët është bllokimi i aktivitetit.

Pagesa e qirasë së tokës është e vetmja e ardhur për rreth 800 banorë të zonës.

Klan News

/tvklan.al