Media britanike “CN Traveller” shkruan se pushimet në një qytet mund të jenë një nga mënyrat më efektive për t’u njohur me kulturën e një vendi. Pavarësisht nëse është një fundjavë apo një periudhë më e gjatë qëndrimi, pushimet në qytet ofrojnë një mundësi të mirë për t’u njohur me historinë e vendit, që rrallë se udhëtarët e huaj mund ta bëjnë këtë në resortet e plazheve apo hotele.
![](https://tvklan.al/wp-content/uploads/2024/05/image-254-1024x682.png)
Kjo e përditshme britanike ka listuar disa nga qytetet evropiane ku udhëtarët e huaj mund të kalojnë pushimet me çmime të përballueshme. Në këtë listë përfshihen qyteti i Tiranës dhe Beratit.
Mediat sociale kanë promovuar bukurinë e rivierës shqiptare duke ngjallur interes për Shqipërinë. Megjithatë, shumë vizitorë kanë zgjedhur të eksplorojnë vendin duke kaluar një fundjavë në kryeqytet.
![](https://tvklan.al/wp-content/uploads/2024/05/image-253.png)
Që pas rënies së regjimit komunist në vitet 1990, qyteti është i gjallë me ngjyra. Udhëtarët mund të mësojnë për të kaluarën e vendit tonë në Muzeun Historik Kombëtar. Më e rëndësishmja, Tirana ofron akomodime me dhomat më të lira në Evropë. Edhe në qytetin e Beratit, bujtinat dhe hotelet ofrojnë dhoma të thjeshta dhe tradicionale ku turistët mund të akomodohen me çmime të përballueshme.
Media britanike e vlerëson për shtëpitë e bardha të Beratit të cilat janë krejtësisht unike. Udhëtarët mund të ngjiten rrugëve të pjerrëta me kalldrëm për të vizituar Kështjellën e Beratit të shekullit të XIII dhe të shijojnë pamjen e qytetit.
Klan News