Trajneri Mauricio Pochettino ka debutuar me një humbje të thellë te Manchester United. “Djajtë e Kuq” u mposhtën 4-0 nga Liverpool, në supersfidën e javës së 11-të në Premier League.

Ndeshja nisi keq për miqtë në “Anfield”, pasi Yoro u ndëshkua me karton të kuq, pasi shkaktoi faull si lojtari i fundit në minutën e 8-të.

Pas kësaj, Liverpool gjeti avantazhin me Szoboszlai në minutën e 10-të, ndërsa 3 minuta më vonë Wirtz dyfishoi shifrat.

Pjesa e parë u mbyll me këtë rezultat, ndërsa spektakli i vendasve vazhdoi edhe në fraksionin e dytë.

Ngumoha dërgoi shifrat në 3-0 në minutën e 66-të, ndërsa Munoz vulosi rezultatin 4-0 në minutën e 82-të.

Me këtë sukses, Liverpool ngjitet në kuotën e 21 pikëve, në vendin e katërt. United vazhdon krizën dhe renditet në vendin e parafundit me vetëm 8 pikë të grumbulluara.

/tvklan.al