#EDielaShqiptare nga #ArditGjebrea prej vitit 2008 në #TvKlan, programi më popullor në të gjitha familjet shqiptare çdo të dielë. Një program i cili përfshin një fashë orari maratonë, prej 6 orësh transmetim.
Power Kidz 8 – Faza 3
Fëmijët konkurrues • Faza.3 / Java.13: Amila, Martin, Ajla, Rejan
Me pjesëmarrjen e:
Denata Toçe – Psikologe
Aurel Vula – Pediatër
Edi Gogu – Shkrimtare
Për herë të parë pas 12 vjetësh, rrëfimi ndryshe i Ardit Gjebreas në “Power Kidz”!
Një nga rubrikat e “Power Kidz” u lë hapësirën fëmijëve që të bëjnë pyetjet e tyre drejt një të rrituri. Por për habinë e tyre, këtë herë i rrituri nuk është ndonjë nga prindërit, por drejtuesi i programit “E Diela Shqiptare” në Tv Klan, Ardit Gjebrea.
Kjo shënon intervistën e tij të parë në 12 vjet dhe duke u gjendur përpara kureshtarëve të vegjël, nuk ngurroi t’u përgjigjej haptazi pyetjeve të tyre. Nga profesioni te jeta personale, Ardit Gjebrea ndan një rrëfim ndryshe nga ç’jemi mësuar.
Amila: A është e vështirë të jesh një gazetar?
Ardit Gjebrea: Besoj që duhet të jetë shumë e vështirë për sa kohë që unë nuk jam gazetar.
Amila: A je i lumtur me këtë profesion?
Ardit Gjebrea: Oh! Po mos të isha i lumtur, nuk do ta bëja.
Amila: Sa fëmijë ke?
Ardit Gjebrea: Unë kam dy, Jonin dhe Anën që i dua shumë.
Amila: Kush është kujtimi yt më i bukur?
Ardit Gjebrea: Hmmm… kujtimi më i bukur për mua është momenti kur njoha nusen time sepse ajo u bë burimi i frymëzimit dhe lumturisë së gjithë jetës sime.
17 vite “E Diela Shqiptare”, Ardit Gjebrea tregon si lindi programi më i dashur i familjes
Vogëlushët e “Power Kidz” patën një mundësi të veçantë në këtë puntatë. Ata u ngarkuan me detyrën për të intervistuar Ardit Gjebrean, moderatorin e programit “E Diela Shqiptare” në Tv Klan.
Pasi i zbuloi Amilës kujtimin më të bukur, ishte radha e Martinit për të mësuar ‘të fshehtat’ e Gjebreas. Moderatori tregon nga i erdhi ideja për të realizuar programin më të dashur të së dielës i cili bën bashkë gjithë familjen
Martin: Çfarë është pjesa më e vështirë për punën tënde?
Ardit Gjebrea: Pjesa më e vështirë është të mbaj nervat.
Martin: Nga të erdhi ideja për të hapur një emision televiziv?
Ardit Gjebrea: Po flet për të “Dielën Shqiptare” apo për “Power Kidz”?
Martin: “E Diela Shqiptare”.
Ardit Gjebrea: Të dielave pasdite nuk ka pasur në Shqipëri një program si ky, kështu që në vitin 2008, 17 vite përpara në fakt kishim 1 vit më parë që e mendonim me regjisorin Aldon Lipe për të krijuar këtë program dhe u dhamë shqiptarëve një program të cilin nuk e kishin bërë përpara të tjerët sepse mua më pëlqen që të bëj gjithmonë gjëra të reja.
Ndërsa për rubrikën dedikuar fëmijëve, “Power Kidz”, ideja erdhi krejt lehtë.
Martin: Po ku të erdhi ideja për “Power Kidz?”
Ardit Gjebrea: A ka shumë emisione për fëmijë në këtë Shqipëri?
Martin: Jo.
Ardit Gjebrea: Ja sesi më erdhi ideja!
“Kushton shumë bileta…”, ëndrra e parealizuar e Ardit Gjebreas
Këngëtar, moderator, producent, kompozitor, bashkëshort dhe baba i përkushtuar… CV-ja e Ardit Gjebreas duket se i ka të gjitha sa vështirë të mendosh për diçka që s’e ka arritur. Por në intervistën e tij të parë pas 12 vitesh, drejtuesi i së “Dielës Shqiptare” në Tv Klan i gjendur para pyetjeve të të vegjëlve të “Power Kidz” ëndrrën që s’ka realizuar ende.
Martin: Ëndrra jote ishte kjo punë apo kur ishe këngëtar?
Ardit Gjebrea: Shiko unë asgjë nuk kam ëndërruar, ëndërruar në jetë përveçse të shkoj në hënë.
Martin: Shko!
Ardit Gjebrea: S’kam lekë të mjaftueshme se kushton shumë bileta, shumë.
Spageti me salcën Ardit, si u krijua pjata speciale e Gjebreas
4 pyetje nga secili prej garuesve të vegjël nga “Power Kidz” zbuluan detaje të ndryshme nga jeta e moderatorit të programit “E Diela Shqiptare” në Tv Klan, Ardit Gjebreas. Me pyetjet e saj, Ajla e ktheu pas në kohë, që nga koha studentore në Itali e deri te programi i parë që ka prezantuar. Njëkohësisht, Gjebrea zbuloi edhe arsyen pas mungesës 2-vjeçare të rubrikës më të dashur për fëmijët.
Ajla: Sa vite ke që punon si prezantues?
Ardit Gjebrea: Janë shumë. Që 21 vjeç. Ka qenë një program “Fëmijët dhe muzika”. Çfarë rastësie! “Fëmijët dhe muzika” dhe këtë pyetje ma bën një fëmijë! Vazhdojmë.
Ajla: Ti nga e ke mësuar recetën e spagetit me salcën Ardit?
Ardit Gjebrea: Kur isha student në Itali, nuk kisha shumë para dhe më duhej të kurseja fort dhe aty m’u desh të mësoja si të gatuaja dhe kështu mësova të gatuaja pasta me recetën Ardit.
Ajla: Ti tani je një prezantues. Kur ke qenë i vogël, kjo ka qenë ëndrra jote apo ka qenë një ëndërr tjetër?
Ardit Gjebrea: Jo, kur unë isha i vogël këndoja, i bija dhe violinës por ëndrra ime siç thashë se ma bënë edhe më përpara këtë pyetje, është që të shkoj në hënë. S’kam shkuar akoma.
Ajla: Ti tani, në këtë garë janë 4 fëmijë. Ti a do të doje që të gjithë të fitonin?
Ardit Gjebrea: Ky është edhe motivi pse për 2 vite ne nuk e kemi bërë “Power Kidz” sepse momenti i skualifikimit është moment ku vuaja unë më shumë sesa ju dhe sesa prindërit. Kështu që do të doja shumë që të ishit 4, në fund unë bëhem shumë i fortë por kur mbaron programi, unë vërtet trishtohem shumë.
Ardit Gjebrea në ‘makinën’ e kohës, çfarë do të ndryshonte moderatori
Në një intervistë të veçantë me të vegjlit e “Power Kidz”, drejtuesi i programit “E Diela Shqiptare” në Tv Klan, Ardit Gjebrea ndan momente dhe kujtime. Ai tregon çfarë do të ndryshonte nëse do të kthente kohën pas, reflekton mbi profesionin dhe dashurinë për muzikën, e cila edhe tani mbetet një nga më të mëdhatë në jetën e tij. Në fund, zbulon edhe krenarinë më të madhe.
Rejan: Nëse do të ktheheshe mbrapa në kohë, a do të kishte ndonjë gjë që do të ndryshoje?
Ardit Gjebrea: Po.
Rejan: Çfarë?
Ardit Gjebrea: Do të shpenzoja më shumë kohë me babin dhe mamin që nuk i kam më.
Rejan: A të pëlqen profesioni që ke zgjedhur?
Ardit Gjebrea: E dashuroj pafund, ndryshe nuk do ta bëja.
Rejan: Më bukur është të jesh moderator apo këngëtar?
Ardit Gjebrea: Këngëtar pa diskutim që është më bukur për mua pasi kam studiuar dhe është një dashuri të cilën për fat të keq e kam lënë pas.
Rejan: A je krenar për veten?
Ardit Gjebrea: Më shumë jam krenar për familjen time, për bashkëshorten që kam, për dy fëmijët sesa për veten time.
Kujdes shëndetin-Trajtimi i kancerit gjinekologjik, Liv Hospital
Ka një mesazh për ty- Anjeza frymëzuese, nga rruga në universitet
Trokitja në derën e ‘ferrit’: Po i jepja gji djalit kur më fshikullonte me rripin e pantallonave
Rrëfimi i Anjezës nga Lushnja në “Ka Një Mesazh Për Ty” nga “E Diela Shqiptare” në Tv Klan nis me një kalvari mundimesh ende pa ardhur në jetë.
Prindërit iu divorcuan kur nëna ishte 3-muajshe shtatzënë me Anjezën. Më pas ajo u martua dhe bëri fëmijë të tjerë, ndërsa vajzën e la te e ëma dhe vëllai. Me rritjen, Anjeza ndihej e tepërt në atë shtëpi dhe me nënën nuk i kishte marrëdhëniet të afërta. Kur shkoi 14 vjeçe, gjyshen po e linin fuqitë dhe përpiqej t’i gjente një bashkëshort, por Anjeza nuk lëshoi pe.
Në moshën 18-vjeçare provoi të jetonte në Tiranë, por nuk ia dilte dot ekonomikisht dhe u kthye në Lushnje. Kur Anjeza ishte 21 vjeçe, gjyshja ndërroi jetë dhe ajo vendosi që bashkë me një fqinjë, të jetonin në Durrës. Ky qe momenti kur ajo u gjend përballë shpresës për një të ardhme që rezultoi veçse iluzion.
Anjeza: Kur trokitëm në një derë që mendonim se mund të kishte shtëpi me qira, aty njoh personin që u bë bashkëshorti im.
Ardit Gjebrea: Aty e njohe?
Anjeza: Po. Më tha që “mua më pëlqen si person dhe rri këtu, mos më ik më dhe kemi mundësi që të njihemi disa ditë dhe të martohemi”. Faktikisht mendova unë, për të rregulluar problemet e mia arrita të martohesha brenda javës me të. Pas një muaji martesë, mua më ka dhunuar për herë të parë. Më ka thënë “deri në këtë moment unë mezi e kam mbajtur veten”, por ai pinte dhe ishte i dhunshëm gjatë gjithë kohës.
Ardit Gjebrea: Pra një muaj mezi mbajti veten nga dëshira që kishte për të të dhunuar.
Anjeza: Po dhe 3 vjet të tjera unë arrita të kaloj shumë depresion dhe mora shumë mbipeshë nga stresi, nga depresioni që ndonjëherë mua edhe nga duart e tij më ka hequr pronarja e një shtëpie që ishim me qira.
Ardit Gjebrea: Po pse nuk e denoncoje?
Anjeza: Sepse nuk kisha ku të shkoja. Isha e dobët. Në atë moment isha e dobët, shumë e dobët nga ana mendore, nuk kam qenë kjo që jam sot. Nuk kisha ku të shkoja. Pas lindjes së çunit u kapa shumë pas çunit dhe kam pasur raste që kam menduar edhe të ndahem, kam menduar edhe të vdes, të gjitha, por thosha çuni, do të ma rrisë çunin do ta bëjë si vetja, gjithmonë çuni më ka mbajtur gjallë, çuni. Herën e fundit që mua më dhunoi keq, ka qenë duke i dhënë gji çunit, ai më ka gjuajtur me rrip pantallonash, këtej i jepja gji çunit, këtej më gjuante me rrip pantallonash. Nuk po mundesha dot, më ishte lodhur shpirti si i thonë fjalës. Në atë moment unë iki, në orën 10, e mbaj mend edhe orën, çuni me karrocë, shkoj te komisariati i Durrësit dhe u them këtu-këtu puna. Unë e denoncova, mora urdhër mbrojtjeje por për momentin nuk dinin ku të më strehonin. Kam ndenjur dy ditë në spital dhe një herë tjetër prapë më strehoi një infermiere që të flija aty. Një byrektore ngjitur me komisariatin më la mundësi të laja edhe çunin aty brenda e ta ndërroja.
Më pas, Anjeza u vendos në një qendër për gratë e dhunuara në Elbasan. Atje, veç ndihmës nga psikologët, arriti të kryente divorcin, të mësonte një kurs kuzhine dhe djalin ta regjistronte në çerdhe duke lënë pas një pjesë të vuajtjeve.
“Unë që flija në stola, sot jam në shkollë të lartë!” Ëndrra e realizuar e një jete me trazira
“Sot jam 40 vjeçe, them kam arritur atë që kam dashur”. Kjo ishte fjalia e parë e Anjezës në nisje të rrëfimit në “Ka Një Mesazh Për Ty” nga “E Diela Shqiptare” në Tv Klan. Përgjatë 40 viteve të jetës së saj, ajo është ndier sikur nuk i përkiste asnjë vendi, e tepërt, ka ndier mungesën e dashurisë, gërryerjen e urisë, dhunën, pafuqinë për t’i dhënë një jetë më të mirë djalit dhe humbjen e shpresës.
Në të gjitha këto, ka gjetur edhe forcën për të mos u dorëzuar në asnjë moment. Pas divorcit me bashkëshortin e dhunshëm, Anjeza u përpoq që jeta e saj dhe e djalit të merrte një orientim tjetër. Njëkohësisht, ajo nuk dëshironte në asnjë moment që djali të kishte fatin e saj dhe të mos afrohej me të atin.
Ajo dhe djali u vendosën në Vlorë dhe disi arritën të sistemoheshin, edhe pse Anjeza ndien peshën e fajit që djali s’ka kaluar një fëmijëri të bukur. Gjithsesi ia doli të gjente një punë dhe aty ndodhi edhe realizimi i ëndrrës së saj të parë: të përfundonte shkollën e mesme. Në rrugën e saj u gjend njeriu i parë që e përkrahu në këtë rrugëtim.
Anjeza: Në Vlorë ishte mundësia që unë të punoja në një resort me 5 yje, Marina Bay”.
Ardit Gjebrea: Ti hyre aty me një kusht ama.
Anjeza: Po.
Ardit Gjebrea: Cili ishte?
Anjeza: Unë hyra me një kusht, administratorit Besnik Lulaj i thashë dëgjo unë do të vij në punë, i tregova gjithë jetën si po e tregoj këtu me 2-3 gjëra, por unë i thashë dua të vazhdoj shkollën.
Ardit Gjebrea: Çfarë të tha Besi?
Anjeza: Më tha “lejen e ke nga unë”. Kur personat e tjerë nuk ishin dakord të administratës ose edhe menaxherët e hotelit, z. Besnik ka ndërhyrë “kjo do të vazhdojë shkollën” dhe unë bëra 2 vjet në Vlorë…
Ardit Gjebrea: Shkollën e mesme flasim?
Anjeza: Shkollën e mesme, 2 vitet e fundit u transferova në Tiranë me mendimin që pas 2 viteve unë do të vazhdoja të lartën.
Ardit Gjebrea: E mbarove shkollën e mesme?
Anjeza: E mbarova shkollën e mesme.
Në fund të shkollës së mesme, Anjeza lindi vajzën me bashkëjetuesin i cili është kthyer në shokun dhe mbështetjen e saj më të madhe. Në moshën 39-vjeçare, uria e saj për shkollën vijonte dhe arriti të fitonte një degë në Universitetin Bujqësor të Tiranës, por u përball edhe me një disfatë.
Anjeza: Kur ishte momenti që të bëheshin pranimet, regjistrimet e shkollës së lartë, më duhej që të paguaja një faturë në atë moment që unë të vazhdoja. Në atë moment unë nuk kisha…
Ardit Gjebrea: Nuk kishe lekë?
Anjeza: Në atë moment sikur më ra qielli në tokë dhe të arrish deri në gjysmë të ëndrrës, nuk doja as shtëpi, as katandi, nuk dua asnjë gjë, edhe sot e kësaj dite unë jam e pastrehë te Qendra e Emergjencave në Tufinë. Unë doja vetëm shkollën, thosha ta mbaroj atë dhe të vdes, s’e kam problem më të jetoj se dua t’u jap një shembull edhe fëmijëve të mi që mami gjithë këto probleme kishte dhe prapë shkollën nuk e la.
Mes lotëve e ngashërimave që ‘e shkundnin’ në atë moment, kujton Anjeza, pranë saj u afrua një grua që i dhuroi mundësinë e jetës.
Anjeza: Një zonjë më vjen, më afrohet, “çfarë ke”, më tha mua “se po të bie të fikët, çfarë ke?” I thashë nuk kam mundësi të paguaj faturën, a ka mundësi nesër ose pasnesër ta paguaj? “T’i jap unë”, tha. Në momentin e parë pa më njohur “t’i jap unë”. Kur më tha “t’i jap unë”, sikur më hapi sytë e mendjes, seriozisht. Për një person tjetër kjo duket e parëndësishme, për mua në atë moment sikur më dha jetën ajo.
Ardit Gjebrea: U regjistrove?
Anjeza: Po, u regjistrova. Ditën e parë që jam futur në universitet, jam ulur aty te guri i universitetit dhe kam qarë, qarë, qarë. I kam thënë vetes vetëm kaq: je një person që ke vuajtur dhe ke qenë e tepërt gjithandej. Je një person i pastrehë, ka raste me bukë dhe pa bukë. Ke vajtur në shkollë, në gjimnaz ndoshta dhe pa bukë dhe sot arrin të vazhdosh shkollën e lartë, i bie që kjo ishte për mua gjë shumë e madhe edhe është, gjë që sot e kësaj dite nuk arrij dot ta mendoj këtë gjë që unë jam në shkollë të lartë, unë, ajo që flinte nëpër stola, unë jam në shkollë të lartë sot. Unë jam krenare për veten time!
Dora e ngrohtë e një momenti të vështirë, Anjeza: Nuk ta harroj sa të jem gjallë!
Një dorë e zgjatur në një moment vështirësie i riktheu shpresën Anjezës për të vazhduar ëndrrën e saj. Në jetë, rrëfimin e së cilës e ndau përmbledhtazi me “Ka Një Mesazh Për Ty”, përtej çdo vështirësie, në mendje e zemër e udhëhiqte veç një dëshirë: shkollimi.
Pasi arriti që të linte pas dhunën dhe të rindërtonte jetën, mori diplomën e shkollës së mesme. Nga aty synoi universitetin dhe ia doli sërish, por hasi edhe pengesën e parë: një faturë që s’e paguante dot. “Sikur më ra qielli në kokë”, kujtoi Anjeza në rrëfimin për rubrikën e së “Dielës Shqiptare” në Tv Klan.
Pranë iu gjend një grua, sekretarja e shkollës e cila i pa lotët dhe dhimbjen e saj e pa hezitimin më të vogël, e pagoi atë faturë. Sot Anjeza vijon ëndrrën për të kryer shkollën e lartë, gjithçka falë Sonilës të cilën e ka ftuar për ta falënderuar nga zemra.
Anjeza: Më je gjendur në një moment, ti e di që isha shumë kritike në atë moment, si isha bërë në atë periudhë që ti mua më ndihmove me pagesën e faturës në atë moment. Shkolla e lartë ka qenë ëndrra ime e fundit nga gjithë vuajtjet e jetës sime dhe në atë moment është njësoj sikur ti më dhe shtëpi dhe unë nuk ta kam harruar sa të jem gjallë dhe gjithë universiteti, gjithë klasa ime e di që ekziston ti. Unë dua të të them edhe diçka, me këtë shpirt që ke të lutem mos ndrysho.
Sonila: Shumë faleminderit, unë s’kam bërë asgjë.
Anjeza: Jo, ti ke bërë shumë për mua në krahasim me atë që unë jam… unë jam në borxh me ty në atë moment. Shkolla e lartë për mua në atë kohë 39 vjeçe, ishte kulmi i ëndrrës sime gjatë gjithë vuajtjeve të jetës sime dhe ndaj desha të të falënderoja publikisht shumë, shumë faleminderit dhe të lutem po ta them prapë, mos ndrysho me këtë shpirt që ke! Qofsh e lumtur!
Shihemi në Gjyq” – Mashtrimi me shtëpinë e shitur dy herë
“Po më hanë lekët bota!” Babai tërbohet me djalin: Flas me veten, nuk fle gjumë natën!
Astriti ka kërkuar që të përballet me bashkëshorten, Nadiren në “Shihemi në Gjyq”, por ajo vjen e shoqëruar edhe nga djali i tyre, Mondi. Konflikti që i ka sjellë në rubrikën e së “Dielës Shqiptare” në Tv Klan ka përçarë familjen pasi duket se janë formuar dy pole.
Astriti thotë se ai dhe Nadirja kanë qenë në SHBA kur kanë autorizuar djalin që të tërhiqte 50 mijë euro në bnkë dhe të blinte një shtëpi në Fier. Këtu lind edhe problemi pasi prej 5 muajsh nuk kanë marrë certifikatën e pronësisë.
Astrit: I kam dhënë autorizimin me vulë nga Amerika që të tërhiqte lekët në bankë e të blinte shtëpinë. Besova se si djalë, si evlat dhe i thashë të keqen babai, ki kujdes se është koha e mashtrimit!
Mondi: Ore zotëri, sot mua këtu për çfarë më ke sjellë?
Astrit: Mos më thuaj mua zotëri ti! Të thashë ki kujdes, “jo babi, prit për 2 javë do të marr certifikatën”. Bëj 5 muaj, nuk ke ndërmend të marrësh certifikatë, prandaj të kam prurë këtu zotëri ta marrë vesh gjithë Shqipëria, edhe miqtë e shokët që kam unë që kam arritur në këtë gjendje që flas me veten, nuk fle gjumë natën unë! Nuk janë pak, i thonë 50 mijë euro! Nuk janë pak, po më ikën mendja, nuk di çfarë të bëj! Ku të vete, ku të mbytem unë? Unë jam i sëmurë! Më thuaj mua, ku të vete unë tani?
Mondi: Unë ku të vete?
Eni Çobani: Po tani çfarë dyshon te djali?
Astrit: Unë dyshoj se këtë e kanë mashtruar ose janë lekët… tani lekët i ka të shkruara në letër ai, por ato janë letra bakalli për mendimin tim! Një këtu, një kështu, i kanë ngatërruar, i kanë bërë lëmsh! Se çfarë janë ato, unë s’po marr vesh!
Mondi thotë se babai i ka nxjerrë jashtë të dy dhe ata s’kanë ku të qëndrojnë. Astriti ia bën të qartë se derisa të zgjidhet problemi i parave të tij, kjo situatë s’do të ndryshojë. Mondi kundërshton dhe thotë se ka edhe ai kontributin e vet, por përballet me reagimin e ashpër të të atit.
Mondi: Ti pse më ke nxjerrë nga shtëpia mua?
Astrit: Derisa të marrësh certifikatën, nuk të lë në shtëpi!
Mondi: Edhe bravën e shtëpisë e ke ndërruar!
Astrit: E ndërrova se e kam blerë unë shtëpinë, janë lekët e mia, gjaku im!
Mondi: Po pse, unë s’kam lekë?
Astrit: Ti ore? Ajo ka, po ti asnjë kokërr leku! Ja një unazë që ma ke blerë, na merre këtë, të kam dh**rë mu në të unë! Çfarë më ke bërë ti? Unë po të mbaj me bukë ty ore! Ju kam mbajtur me bukë të tërëve! Edhe ajo, nuk e hedh poshtë, u bë me ty tani ajo?
Gjatë kësaj bisede, Nadirja thotë se është në anën e djalit. Mondi përsërit sërish se ka pjesë tek paratë për të cilat flitet, por këtë herë Astriti nuk përmbahet.
Mondi: Lekët më ka dërguar një vulë apostile, një autorizim që unë të tërheq lekë nga banka. Lekët ishin në emër të babit, të mamasë, kisha edhe ca të miat.
Astrit: Ku kishe ti, çfarë kishe ti? Ato lekë i kam marrë borxh unë o majmun! Ku kishe lekë, çfarë lekësh kishe? Ku i gjete lekët ti? Ku i gjete lekët ti o majmun? O shejtan!
Pasi rimerr sërish fjalën, Mondi thotë se para 6 muajsh ka bërë një kontratë me Njazi Vrenozin te noterja Anila Haxhiu në Fier. Por Eni Çobani vë re se kontrata në fakt i përket vitit 2018, çka do të përbënte një shkelje. Djali vijon dhe thotë se ai ka pasur njohje me këta njerëz, çka e bën Astritin të humbasë sërish kontrollin.
Mondi: Personat që unë kam blerë shtëpi, i kam njohur edhe më përpara.
Astrit: Po kur i ke njohur ti… me ata mashtruesat atje ti ore? Ore i paske njohur ti m*t dhe më thua mua…
Mondi: Ore ik te vendi!
Astrit: Po më hanë lekët bota! Ça bën ti? Je në metro ti? Ke tru apo s’ke? U të dhj**sha mu në shkollë, me gjithë shkollën tuaj! Të marrtë dreqi të marrtë! Më nxive jetën! Për shoqërinë, thua ti s’ka më, i miri i botës, i ligu i shtëpisë ore? Ç’të dua unë ty? Djalë i mirë, o alamet djali ti, bukurosh i madh!
“Të bëfsha mu në…”, babai i kthen mbrapsht dhuratën djalit
50 mijë euro të cilat u përdorën për blerjen e një shtëpie janë bërë shkak që Astriti të përballet në “Shihemi në Gjyq” me bashkëshorten, Nadiren dhe djalin, Mondin. Siç shpjegoi për rubrikën e së “Dielës Shqiptare” në Tv Klan, me këto para ai kishte autorizuar të birin që të blinte një shtëpi në Fier pasi çifti ndodhej në SHBA.
Çështja është se sot, pas 5 muajsh nuk kanë certifikatën e pronësisë. Astriti dyshon se ka një mashtrim në këtë mes dhe i ka nxjerrë nga shtëpia gruan e djalin. Babai i kërkon djali certifikatën e pronësisë, të cilën ky i fundit s’e ka.
Mondi: Shtëpia është e jona dhe ti na ke nxjerrë përjashta! Sot ti na ke nxjerrë përjashta!
Astrit: Bjermë lekët ore, dua lekët!
Mondi: Lekët… s’kam lë lekë unë tani, bleva shtëpinë me lekët unë.
Astrit: Më bjer certifikatën e shtëpisë, të shikoj edhe unë! S’kam asnjë gjë, unë jam kot!
Mondi: Ku ta gjej certifikatën, unë s’kam marrë për vete! Unë s’e kam marrë fare certifikatën!
Astrit: Qysh ore? Të nesërmen thotë kështu ai, as më ka dhënë lekë, ca letra bakalli aty!
Gjatë debatit, Astriti shprehu disa herë shqetësimin që i ka sjellë kjo situatë. Ai tha se ato janë paratë e gjakut të tij, pa lënë mënjanë eedhe bashkëshorten, por të birit nuk ia pranon kontributin. Madje arrin deri aty sa t’i kthejë mbrapsht dhuratën që i ka bërë.
Astrit: Ke punuar gjëkundi ti? Ke punuar?
Mondi: Pse, pa një ditë pune…
Astrit: Një herë që vajte në emigrim, ja më bleve dhe një unazë… na! Të bëfsha mu në…
Mondi: Bjere se e marr! Po nuk e do, e marr unë!
Nadire: Ik te vendi yt atje, mos më rri këtu mua!
Astrit: Ti mbylle ti!
Nadire: Ik te vendi yt, mos fol shumë!
50 mijë euro për asgjë! Banesa shitet dy herë, ndërtuesi ballafaqohet me familjen e mbetur në rrugë
Apartamenti në Fier për të cilin Astriti i dha 50 mijë euro djalit, Mondit që ta blinte është shitur dy herë. Banesa e blerë prej ndërtuesit Njazi Vrenozi u mor, por nuk kanë certifikatë pronësie. Astriti dhe Nadirja, e cila ndodhet përballë tij në “Shihemi në Gjyq” duke përkrahur djalin e tyre, hynë në këtë shtëpi por pas një muaji dikush trokiti në derën e tyre dhe i ka thënë se apartamenti është i tiji.
Ky konflikt e ka sjellë Astritin në rubrikën e së “Dielës Shqiptare” në Tv Klan duke kërkuar përgjigje nga djali, të cilin e ka nxjerrë jashtë bashkë me Nadiren. Rubrika e emisionit mundëson një lidhje me Njazi Vrenozin, i cili thotë se ka pasur një menaxher në kompaninë e tij, Jetmir Hysën të cilit i kishte dhënë prokurë dhe ai ka kryer veprime të tjera. Ky person aktualisht ndodhet në burg.
Eni Çobani: Ju pretendoni që paratë në dorë nuk i keni marrë ju,por i ka marrë Jetmir Hysa?
Njazi Vrenozi: Një pjesë kam qenë unë prezent për kapar. Të dy bashkë.
Eni Çobani: Ndërkohë pjesën tjetër e ka marrë Jetmiri vetëm?
Njazi Vrenozi: Tani unë flas sipas noteres.
Ardit Gjebrea: Edmond, sa para ke paguar?
Mondi: 45.
Ardit Gjebrea: Ti ke dhënë 45 mijë euro. Para noteres i ke dhënë?
Mondi: Jo. Jashtë zyrës së noteres.
Ardit Gjebrea: Sipas pretendimit tënd, sa para i ke dhënë ti Njaziut?
Mondi: Të gjitha more se bashkë kanë qenë, të gjitha.
Njazi Vrenozi: Sa më ke dhënë o burrë?
Mondi: Në kontratë është e shënuar 42.
Ardit Gjebrea: I ke dhënë përpara noteres?
Mondi: Janë dhënë jashtë zyrës së noteres.
Ardit Gjebrea: Po pse? Kush t’i kërkoi?
Mondi: Zotëria.
Ardit Gjebrea: T’i kërkoi Njaziu?
“Të Panjohurit” – DANIELA CARA
Të ftuarit VIP: Aulona Musta , Greta Zani
Për të qenë konkurrent, ose një nga identitetet e fshehta kontaktoni në whatsapp në: +355 68 60 65 656
