Emisioni “Uniko” nga Spartak Koka në Klan Plus trajtoi historinë e zhdukjes së Fatjon Myrtajt në muajin Shtator 2019.

29-vjeçari nga Fieri rezulton i humbur ende sot e kësaj dite dhe nuk ka asnjë informacion për vendndodhjen e tij.

Ngjarja nisi fillimisht në muajin Korrik 2019 pas një sherri brenda fisit. Fatjon Myrtaj i kishte marrë 5 milionë Lekë të vjetra borxh gruas së kushëririt të tij. Kjo ngjalli zemërimin e kushëririt të tij pasi mësoi për paratë e dhëna borxh pa dijeni.

Por, familjarët e nuses25-vjeçare kishin dyshime më të mëdha. Ata mendonin se Fatjon Myrtaj kishte lidhje intime me nusen e shtëpisë. Për këtë arsye, bashkëshorti e divorci dhe nuk e lejon të takojë dy djemtë.

Kjo zonjë, e cila është konsideruar edhe si “molla e sherrit”, ka folur në kushtet anonimati ekskluzivisht për emisionin “Uniko”, duke sqaruar raportin e saj me Fatjon Myrtajn dhe çfarë di ajo për këtë ngjarje.

Familjarët e Fatjon Myrtajt dyshojnë se 29-vjeçari është rrëmbyer pikërisht nga njerëzit e tyre të fisit.

Spartak Koka: Me Fatjon Myrtajn jeni njohur? Dhe i afërm i kujt ishte? I bashkëshortit tuaj?

-Po, i bashkëshortit edhe i familjes ku unë jetoja.

Spartak Koka: Çfarë mund të na thoni për takimin e fundit me Fatjonin? Është një pistë që thuhet se ju i keni dhënë Lekë borxh. A mund të na shpjegoni konkretisht çfarë Lekësh i keni dhënë?

-I kam dhënë 5 milionë e gjysmë.

Spartak Koka: Ja ke dhënë borxh?

-Borxh!

Spartak Koka: Në çfarë date?

-Në datën 17 Korrik.

Spartak Koka: Këto Lekë të kujt ishin?

-Të vjehrrit!

Spartak Koka: Fatjoni ti kërkoi ty? Si ndodhi?

-Po, m’i kërkoi mua. Më kërkonte ndihmë, më thoshte më ndihmo sepse ashtu kam një…

Spartak Koka: Pse t’i kërkoi ty dhe nuk ja kërkoi dikujt tjetër?

-Nuk e di!

Spartak Koka: Ja kishte kërkuar më parë vjehrrit tuaj?

-Më para nuk e di.

Spartak Koka: Lekët ku mbaheshin?

-Në dollap.

Spartak Koka: Kush kishte dijeni që lekët ishin aty nga familja juaj?

-Ne të gjithë që jetonim.

Spartak Koka: Ishin shuma të mëdha parash?

-Jo, ato ishin.

Spartak Koka: Për sa ditë t’i mori borxh Fatjoni këto lekë?

-Më tha për 3 ditë, por ai po i vononte sepse nuk e di çfarë problemi i kishin dalë.

Spartak Koka: Sa ditë i vonoi?

-Nuk i ktheu!

Spartak Koka: Për sa kohë?

-Deri sa ika unë.

Spartak Koka: E ke takuar, ke kontaktuar për të të kthyer lekët?

-Jo.

Spartak Koka: Po ai të dha një shpjegim përse nuk t’i ktheu lekët?

-Thjesht i kishin dalë ca probleme, për sa kohë që unë isha atje. Më pas ika te prindërit e mi dhe s’kisha më kontakt.

Spartak Koka: Po përse ike te prindërit e tu?

-Sepse unë kisha gabuar. Kisha bërë diçka pa dijeninë e familjarëve dhe për këtë arsye kam ikur.

Spartak Koka: Kush ishte gabimi yt?

-Që i dhashë lekë Fatjonit.

Spartak Koka: Ti je nënë e dy fëmijëve?

-Po. Dy çuna.

Spartak Koka: Që nga momenti që keni ikur, i keni parë fëmijët tuaj?

-Jo.

Spartak Koka: Përse?

-Sepse nuk i kam gjetur në shtëpi. Kam shkuar tre herë, i kam pasur në shkollë, në kopsht.

Spartak Koka: Nuk i keni gjetur në shtëpinë e ish-bashkëshortit tuaj?

-Po.

Spartak Koka: Vetëm tre herë keni bërë përpjekje për të parë fëmijët?

-Po.

Spartak Koka: Keni folur në telefon me fëmijët?

-Jo.

Spartak Koka: Çfarë lloj marrëdhënie keni pasur me Fatjon Myrtajn?

-Thjesht familjare.

Spartak Koka: Mund të ma shpjegosh më konkretisht?

-E respektoja si kushëri që e kish burri.

Spartak Koka: Fatjoni e kishte shtëpinë pranë shtëpisë tuaj?

-Po.

Spartak Koka: Por përse i kërkoi vetëm tek ty lekët?

-Sepse nuk e mbështeste njeri.

Spartak Koka: Pse nuk e mbështeste?

-Sepse gjoja i prishte lekët kot.

Spartak Koka: Si kot?

-Nuk i mblidhte. Ato që punonte, i harxhonte.

Spartak Koka: Me punë të paligjshme?

-Po.

Spartak Koka: Kishte dyshime që Fatjoni merrej me drogë?

-Po.

Spartak Koka: Pra kishte dyshime që merrej me drogë prandaj nuk donin t’ja jepnin lekët. Fatjonin për herë të fundit kur e keni parë?

-Që atë ditë kur i dhashë lekët në datën 20, s’kam..

Spartak Koka: Nuk erdhi më në shtëpi?

-Nuk e di.

Spartak Koka: Tek shtëpia juaj nuk erdhi më?

-Jo! Tek ne rrallë vinin.

Spartak Koka: Pse rrallë?

-Kur kishin punë vinin.

Spartak Koka: Ke dijeni se ku është Fatjon Myrtaj sot?

-Jo!

Spartak Koka: Çfarë ke dëgjuar?

-Kam dëgjuar që është zhdukur.

Spartak Koka: Kur?

-Në muajin Shtator.

Spartak Koka: Si e keni marrë vesh për zhdukjen e Fatjonit?

-Më ka ardhur policia në shtëpi, më ka marrë për një dëshmi.

Spartak Koka: Çfarë keni deklaruar aty?

-Kam deklaruar që lekët ja kam dhënë hua, asgjë tjetër.

Spartak Koka: Dhe nuk i keni marrë më mbrapsht?

-Jo!

Spartak Koka: Po familja e bashkëshortit tuaj, për këtë fakt ju ka dëbuar apo për cilën arsye?

-Për këtë fakt.

Spartak Koka: Thuhet që ju me Fatjonin keni pasur një marrëdhënie. Sa e vërtetë është kjo gjë?

-Nuk është e vërtetë.

Spartak Koka: Nuk është e vërtetë?

-Po!

Spartak Koka: Vetëm kjo është fjala që mund të thoni?

-Po!

Spartak Koka: Keni provë që e mbështesni këtë fakt? Ata kanë ndonjë provë që e mbështesin akuzën?

-Jo!

Spartak Koka: Prej sa kohësh jeni nuse në atë shtëpi?

-9 vitesh!

Spartak Koka: Marrëdhëniet si i keni patur me pjesëtarët e familjes?

-Shumë mirë. Deri sa unë bëra një gabim edhe…

Spartak Koka: Bashkëshorti juaj si e priti faktin e dhënies së lekëve borxh?

-S’e priti mirë.

Spartak Koka: Çfarë të tha?

-Ke bërë gabim, më tha, nuk duhet të veproje me mendjen tënde. Duhet të pyesje.

Spartak Koka: Ishte i gatshëm ai t’ja u falte këtë gabim?

-Ai po.

Spartak Koka: Pjesëtarët e tjerë të akuzuan?

-Po!

Spartak Koka: Çfarë kërkoni sot 7-8 muaj pasi ju nuk shihni as fëmijët tuaj?

-Do doja që t’i takoja.

Spartak Koka: Vetëm t’i takoje?

-Po!

Spartak Koka: Jo t’i kishe gjithë kohës me vete?

-S’kam mundësi.

/klanplus