Drejtuesit e UEFA-s thuhet se po shqyrtojnë mundësinë e propozimit të legjendës portugeze, Luis Figo, si kandidat për postin e ardhshëm të presidentit të FIFA-s.

Ndërsa afati i fundit për dorëzimin e kandidaturave zyrtare për zgjedhjet e ardhshme po afrohet, federata evropiane e futbollit është ende në kërkim të emrit ideal.

Më parë, ideja për të besuar te Arsene Ëenger u hodh poshtë nga vetë francezi. Megjithatë, raportohet se puna nuk është ndalur dhe një alternativë e re ka dalë tashmë në skenë.

Emri i përfolur është pikërisht ai Luis Figos, i cili mbetet një figurë me peshë në arenën ndërkombëtare. Megjithatë, kandidatura e tij nuk gëzon ende një mbështetje dhe pranim total brenda vetë radhëve të organizatës evropiane.

Debatet dhe konsultimet e brendshme pritet të vazhdojnë edhe në orët në vijim për të arritur në një vendim përfundimtar. Lëvizjet e ardhshme të UEFA-s do të jenë përcaktuese për drejtimin që do të marrë gara presidenciale në FIFA.

/tvklan.al