Franca do të luajë sot me Suedinë në sfidën e fazës së 1/16 të Kupës së Botës. Francezët, që synojnë të fitojnë trofeun, deri më tani kanë një paraqitje të shkëlqyer me 10 gola të shënuar dhe pikë të plota në fazën e grupeve, duke kërkuar suksesin e radhës. Suedia u kualifikua si një nga vendet e treta më të mira dhe vendosi rekord historik në pjesëmarrjet e saj me 7 gola të shënuar në fazën e grupeve. Megjithatë, përballë Francës e pret një sfidë shumë e vështirë. Francezët kanë bilanc pozitiv në përballjet direkte.
Bregu i Fildishtë, që ka kaluar për herë të parë fazën e grupeve në Kupën e Botës, do të luajë me Norvegjinë. Një përballje interesante, pasi të dy ekipet kanë treguar një formë të mirë në këtë turne. Kjo do të jetë ndeshja e parë mes Bregut të Fildishtë dhe Norvegjisë.
Meksika e mbylli fazën e grupeve me 9 pikë dhe pa pësuar gol, duke u përballur me Ekuadorin. Përfaqësuesja amerikanojugore u kualifikua falë fitores ndaj Gjermanisë, por ajo meksikane mbetet favorite, pasi luan në shtëpi.
Tv Klan
/tvklan.al












Botërori 2026 