Historia e pazakontë, gruaja e paralizuar: Rashë për të fjetur, kur më doli gjumi nuk mund të lëvizja


Historia e pazakontë, gruaja e paralizuar: Rashë për të fjetur, kur më doli gjumi nuk mund të lëvizja

15:05 01/06/2020

“Nuk i lëviz dot duart, moj nënë”

Programi “Historia ime”, në Tv Klan solli ditën e sotme historinë e pazakontë të 79-vjeçares, Shkurte Hysenaj. Prej 63 vitesh, ajo është e paralizuar dhe qëndron në karrocë me rrota.

Mirela Milori: Ti je e paralizuar, je në karrocë me rrota. Sa vjet ke kështu?

Shkurte Hysenaj:  63 vite i bëj në 1 Shtator, që jam paralizuar.

Mirela Milori: Më fal që të pyes sa vjeç je?

Shkurte Hysenaj: 79 vjeç i kam bërë në 7 Prill!

Në studio, Shkurte tregoi se një mbrëmje kur ishte 16 vjeç, ndodhi ajo që nuk e priste dhe që i ndryshoi komplet jetën. Ishte duke fjetur dhe u zgjua nga një ëndërr, provoi që të ngrihej nga krevati, por nuk mund të lëvizte dot as duart dhe as këmbët.

Thirri nënën e saj për ta ndihmuar, por ishte e pamundur, ajo nuk e komandonte dot trupin e saj. E gjithë familja u shokua dhe nuk po arrinin dot të kuptonin se çfarë po ndodhte me të, pasi ajo nuk kishte shfaqur asnjë problem shëndetësor më herët.

Shkurte Hysenaj:  Në 1 Shtator të ’57 kam rënë në darkë mirë!

Mirela Milori: Pra ti re të flije në darkë mirë? Lëvizje, ishe një fëmijë normal?

Shkurte Hysenaj:  Po!

Mirela Milori: Sa vjeç ishe?

Shkurte Hysenaj: 16 vjeç e 5 muaj!

Mirela Milori: Çfarë ndodh?

Shkurte Hysenaj: Kur më doli gjumi, sikur pashë një ëndërr dhe nga ajo ëndërr u ngrita. Më falni kisha nevojë sikur për të shkuar në banjo, mora të lëviz duart që të ngrihem, sikur më tha dikush në ëndërr, ngrihu. Por nuk i lëviza as duart dhe as këmbët, u mundova dhe njëherë por ishte e pamundur. Në atë kohë thirra nënën, ishte në dhomën tjetër. Erdhi nëna dhe tha çfarë ke? Thashë nuk po lëviz dot. Si tha nuk po lëviz dot? Nuk i lëviz dot duart moj nënë i thashë unë. Ma kapi dorën e ngriti dhe e lëshoi, ajo ra si gjë e vdekur, e ngriti edhe tjetrën njësoj. Këmbët s’kishte nevojë pastaj, kur si lëvizja dot duart, as këmbët jo. Edhe tha të të ngre pak ulur. Me ngriti ulur, por kur më ngriti më iku pak mesi, sikur ta kisha të këputur dhe pa më lëshuar në krevat bërtiti me të madhe, i bërtiti babait tim dhe i tha, çohu se na iku vajza. Çfarë ke moj grua tha? Është sëmurë i tha mami nuk lëviz as duart as kembët. Mua motra kishte dy vjet që më kishte vdekur, në Shkodër.

Mirela Millori: E madhja?

Shkurte Hysenaj:  Kur na vdiq motra e madhe në Shkodër, im atë tha nuk do ta çojmë në spital, se do ma vdesin edhe këtë. Erdhën dajat e mi, dajat e babit edhe më nisën për në spital, u bënë të gjithë ngarkuan kalin me dy thasë më bar, me dy jorganë mbrapa, jastëkë që më lidhën se unë nuk lëvizja as këmbë as dorë, s’kisha komandë. Me mbanin njerëzit mos bija, pavarësisht se kisha thasë me bar, se nuk ishim rrugë makine një orë. Dolëm në rrugë makine, më zbritën aty, erdhi ambulanca më mori, shkuam në Kukës. Në Kukës ndenja 17 ditë, u munduan gjithsesi nuk fitova asnjë gjë, më nisën për në Tiranë. Mirëpo në Kukës filloi temperatura, disa ditë kisha temperaturë./tvklan.al




Të ngjashme