Rrugët e Torontos u mbushën nga fansat që dëshironin të përshëndetnin aktoren dhe këngëtaren Selena Gomez e cila mbërriti në tapetin e kuq për premierën e filmit të saj të ri të titulluar “Emilia Perez”.
![](https://tvklan.al/wp-content/uploads/2024/09/image-293-682x1024.png)
![](https://tvklan.al/wp-content/uploads/2024/09/image-292-695x1024.png)
![](https://tvklan.al/wp-content/uploads/2024/09/image-294.png)
![](https://tvklan.al/wp-content/uploads/2024/09/image-295-683x1024.png)
![](https://tvklan.al/wp-content/uploads/2024/09/image-296.png)
Projekti kinematografik në të cilin interpretojnë gjithashtu Zoe Saldana dhe Karla Sofia Gascon tregon historinë e një avokate e cila merr përsipër një detyrë të papritur: të ndihmojë një lider karteli meksikan të falsifikojë vdekjen e tij dhe t’i nënshtrohet operacioneve për të ndryshuar gjininë.
32-vjeçarja Gomez e cila portretizon Emilia Perez, personazhin kryesor i cili kthehet në një grua rrëfeu para gazetarëve se është e lumtur që iu besua ky rol.
“Të jem e sinqertë, unë jam një fanse e madhe e regjisorit Jacques Audiard dhe po ëndërroja të punoja me dikë që do të më nxirrte nga zona ime e rehatisë, por në një mënyrë që ishte përmes rrëfimit. Nuk prisja të kishte një reagim kaq të madh dhe jam shumë mirënjohëse që jam pjesë e filmit.”
Emilia Pérez do të shfaqet në kinema të zgjedhura këtë vjeshtë, përpara se të dalë në Netflix më 13 nëntor në SHBA, Kanada dhe Mbretërinë e Bashkuar.
Klan News