Ish-kryetari i parlamentit Konstantinos Tasoulas u bë presidenti i nëntë i Republikës së Greqisë që nga rënia e diktaturës dhe shfuqizimi i monarkisë.
Pasi u betua para kryepeshkopit të Athinës në Parlament dhe vendosi një kurorë me lule në Varrin e Ushtarit të Panjohur, Tasoulas bëri një vizitë të shkurtër në Pallatin Presidencial, ku mori zyrtarisht detyrën nga Katerina Sakellaropoulou.
“Ju uroj me gjithë zemër suksese në detyrën tuaj. Puna juaj e mëparshme si kryetar i parlamentit dhe rruga juaj e rëndësishme politike, si një politikan që shërben si me vlera ashtu edhe me ideale dhe që kultivon një konsensus demokratik, përbëjnë një motor për zbatimin më të mirë të mundshëm të punës suaj”, u shpreh ish-presidentja Katerina Sakellarpoulou.
Vetë kreu i ri i shtetit u zotua të promovojë unitetin kombëtar dhe vlerësoi një nismë të propozuar për të forcuar aftësitë mbrojtëse të Evropës në përgjigje të kërcënimeve në rritje të sigurisë.
“Arkitektura e re ndërkombëtare po bëhet shumë më kërkuese për vendin tonë, të cilit i kërkohet të mbrojë më mirë kohezionin e tij kombëtar dhe social, natyrisht brenda strukturave ndërkombëtare në të cilat tashmë merr pjesë, ndikon dhe merr vendime”, tha Konstantinos Tasoulas.
Ceremonia e betimit nuk kaloi pa drama politike, pasi dy parti vendosën të abstenojnë nga procedurat në shenjë proteste ndaj emërimit të Tasoulas nga Kryeministri Kyriakos Mitsotakis.
I lindur në vitin 1959, Tassoulas është një politikan me përvojë. Ai ka mbajtur poste të ndryshme, duke përfshirë zëvendësministër të mbrojtjes kombëtare në vitin 2007, ministër i Kulturës dhe Sporteve në vitin 2014 dhe kryetar i parlamentit grek 3 herë që nga viti 2019.
Ai dha dorëheqjen nga ky rol i fundit në Janar viti pasi Kryeministri Kyriakos Mitsotakis e propozoi atë për president.
Klan News
