Lajme, #edicioniinformativ ora 19:30, 20 Nëntor 2026 #TvKlan #klanlajme
Spiker: Reis Çiço
Headlines
Rama mbledh drejtuesit politikë dhe ministrat: 90 minuta për 9 majin dhe garën për Tiranën
Zgjedhjet e 9 majit dhe gara për Tiranën ishin në fokus të një takimi që Kryeministri Rama pati sot për 90 minuta me drejtuesit politikë të PS-së dhe ministrat. Ai kërkoi angazhim maksimal për të marrë një fitore bindëse në kryeqytet.
Veliaj, letër Ballukut: Të lejohem të kryej operacionin. Burgjet: Do realizohet më 23 nëntor
Kryebashkiaku Erion Veliaj i ka drejtuar një letër publike Belinda Ballukut, duke i kërkuar të ndërhyjë për kryerjen e operacionit të tij në këmbë. Reagojnë burgjet, të cilat thonë se ndërhyrja do të bëhet më 23 nëntor. Berisha e quan trajtimin e tij çnjerëzor.
Paketa fiskale 2027, ulet në 6% edhe TVSH-ja për ujin dhe produktet e higjienës
Paketa fiskale e vitit 2027 ka pësuar ndryshime të rëndësishme në Komisionin e Ekonomisë. Debatet mes deputetëve dhe qeverisë sollën uljen e TVSH-së për ujin dhe produktet e higjienës në 6%, por edhe rishikimin e taksave për automjetet.
Ligj i ri: Ndalohen cigaret elektronike. Asnjë produkt duhani s’do të tregtohet online
Një nismë ligjore e Ministrisë së Shëndetësisë do të ndalojë shitjen e të gjitha cigareve elektronike njëpërdorimshme në vendin tonë, si dhe tregtimin online të produkteve të duhanit. Synimi është mbrojtja e të rinjve nga marrja e nikotinës.
Analistët: Shenzheni nuk ishte “Jalta e re”. Fitoi Xi, Putini u rikthye, Trump diplomaci personale
Takimi trepalësh mes Trumpit, Xi Jinpingut dhe Putinit u cilësua historik, por analistët thonë se pritshmëritë për marrëveshje konkrete mbetën të kufizuara. Ata vlerësojnë se, përtej simbolikës, samiti shërbeu më shumë si demonstrim i fuqisë.
Firence nderon kardinalin shqiptar Ernest Simoni. “Fiorino d’Oro”, vlerësimi më i lartë i qytetit italian
Kardinali shqiptar Ernest Simoni është nderuar në Firence me çmimin më të lartë të qytetit, “Fiorino d’Oro”. Ky është një vlerësim për jetën e tij të qëndresës ndaj persekutimit komunist, duke përçuar mesazhin e besimit dhe faljes.
FSHF kërkon ndryshime në ligjin e sponsorizimit: Tavani 10 mld lekë, futbolli me kuotë të garantuar
Presidenti i FSHF-së, Armand Duka, mirëpriti nismën për projektligjin e sponsorizimeve, por propozon disa ndryshime. Sipas tij, tavani i investimeve duhet të jetë të paktën 10 miliardë lekë, ndërsa futbolli duhet të ketë një kuotë të garantuar.
/tvklan.al












Botërori 2026 
