Spiker: Reis Çiço

Headlines 25 Maj 2024

Meloni: Marrëveshja me Shqipërinë, shembull për BE. 15 nga 27 vende firmosën dokumentin

Kryeministrja italiane Xhorxhia Meloni thotë se marrëveshja për emigrantët me Shqipërinë është kthyer në një model edhe për Bashkimin Europian. Meloni tha se 15 nga 27 vende kanë firmosur një dokument në mbështetje të këtij pakti.

“Krenar për Shqipërinë”, kryeministri Rama takon nesër emigrantët shqiptarë në Milano

Pas Athinës, kryeministri Edi Rama mban nesër takimin ne Milano me emigrantët shqiptarë të Italisë. Mësohet se në këtë takim do të flasë vetëm kryeministri ndërsa pritshmëritë janë që të jene 10 mijë të pranishëm.

Drone dhe kamera inteligjentë kundër kriminalitetit në kufirin mes Shqipërisë e Kosovës

Policia do të përdorë dronë dhe kamera inteligjente për të monitoruar kufirin shqiptar. Donacioni i qeverisë britanike me një vlerë prej 1.6 milionë paund ka si qëllim goditjen e migrimit ilegal, trafikut të paligjshëm dhe bandave kriminale.

Përgjysmohet numri i të diplomuarve në mësuesi vendi ka nevojë për rreth 2 mijë arsimtarë

Shqipëria po vuan mungesën e mësuesve, pasi ky profesion po tërheq gjithnjë e me pak te rinjtë. Sipas te dhënave, numri i studentëve te diplomuar ne shkencat arsimore është përgjysmuar në 5 vite kur vendi ka nevojë për 2 mijë mësues.

Komuniteti LGBT marshon në Tiranë nën moton: “Çdo ngjyrë, një familje”

Anëtarë dhe mbështetës të komunitetit LGBTQ+ marshuan këtë të shtunë në përgjatë Bulevardit Dëshmorët e Kombit duke shpalosur moton “Çdo ngjyrë, një familje. Ata u mbështetën edhe nga përfaqësues të trupit diplomatik.

Shefi i NATO-s: Ukraina duhet të lejohet të përdorë armët e perëndimit kundër ushtrisë ruse

Lufta e Ukrainës me Rusinë duket se po merr një tjetër drejtim. Jens Stoltenberg u bëri thirrje aleatëve të NATO-s që furnizojnë Ukrainën me armë dhe t’i japin fund ndalimit të përdorimit të tyre kundër ushtrisë ruse.

Shpallen 5 mbrojtësit e majtë më të mirë të Euro 2024. Mittelstädt i pari, Hernandez i fundit

Kur mbeten edhe 20 ditë nga Europiani që do të transmetohet LIVE në Tv Klan një kompani e specializuar ka analizuar 5 mbrojtësit më të mirë të majtë që do marrin pjesë. I pari është gjermani Mitel-shted dhe i fundit francezi Teo Hernandez./tvklan.al