Nominimi ndërkombëtar për librin “Kur sunduesit grinden”, botuar në 2018
Libri i shkrimtarit Ismail Kadare, “Kur Sunduesit Grinden” merr vëmendje ndërkombëtare dhe shpallet kandidat për çmimin “The Booker 2024”.
Libri i botuar në vitin 2018 në Shqipëri, sjell një qasje mbi raportin e shkrimtarëve me diktatorët. Kadare rrëfen telefonatën e diskutuar gjatë, të një shkrimtari në ish-Bashkimin Sovjetik me Stalinin që në një moment do ta përdorte këtë telefonatë kundër vetë shkrimtarit.
Juria që vlerësoi librin dhe e renditi mes librave të përzgjedhur në garë, e cilësoi këtë roman një meditim magjepsës mbi Rusinë Sovjetike, autoritarizmin, strukturat e pushtetit dhe një periudhë shkrimtarësh të mëdhenj.
Në qershor 1934, Joseph Stalin dyshohet se i telefonoi romancierit dhe poetit të famshëm Boris Pasternak për të diskutuar arrestimin e poetit tjetër sovjetik Osip Mandelstam. Në një ndërthurje magjepsëse ëndrrash, faktesh e dosjesh, Ismail Kadare, rindërton tre minutat që folën dhe pasgoditjet e këtij momenti të tensionuar, misterioz në historinë moderne. Ky libër u përkthye nga shqipja në anglisht nga Xhon Hoxhison.
Libri fitues do të shpallet në një ceremoni më 21 maj 2024 dhe nëse do të fitonte, Ismail Kadare do të bëhej autori i parë që do të fitonte dy herë Çmimin Ndërkombëtar “Booker”. Pasi ai ishte fituesi i çmimit inaugurues (i njohur në atë kohë si Çmimi Ndërkombëtar Man Booker) në 2005. Në atë kohë, çmimi u dha për një pjesë të punës së tij dhe jo për një libër individual.
Klan News
