Ekspertët sqarojnë arsyet e krimit: Shteti Islamik e sheh Rusinë si kërcënim

Ndërsa grupi i Shtetit Islamik (IS) ka thënë se qëndron pas sulmit të mbrëmshëm në sallën e koncerteve në Moskë, ai ende nuk ka njoftuar se cila nga degët e tij globale ishte përgjegjëse për operacionin.

Kjo për shkak se pretendimi fillestar më 22 Mars erdhi përmes gazetës së lajmeve të grupit Amaq, e cila zakonisht nuk jep informacion në lidhje me degën e lidhur pas sulmeve.

Grupi ka të ngjarë të marrë përsipër sulmin në emër të degës së tij të provincës Kaukaz, e cila është një nga degët globale të IS-it më pak aktive. Megjithatë, disa analistë dhe autoritete në Evropë prej muajsh kanë spekuluar rreth ambicieve në rritje të degës së provincës Khorasan të grupit IS të fokusuar në Afganistan, e cila besohet se ka rusishtfolës të Azisë Qendrore në radhët e saj.

Grupi që e quan veten Shteti Islamik, i cili nganjëherë referohet si ISIS dhe që u dëbua nga pjesa e tij e territorit në vitin 2019, por OKB-ja tha në shkurt se trajtimi i kërcënimit të krijuar nga IS është ende një prioritet dhe ata po zgjerohen në Afrikë. Javën e kaluar SHBA sërish paralajmëroi se ISIS mbetet një kërcënim i vazhdueshëm. Degët rajonale të ISIS paraqesin kërcënime edhe në zona të tjera konflikti në mbarë botën.

Mattheë Sussex, një ekspert për Rusinë dhe një profesor i asociuar në Universitetin Kombëtar Australi shprehet se ka disa arsye pse Shteti Islamik do të sulmonte Rusinë dhe çfarë do të bënte si përgjigje.

“Rusia ka një histori të gjatë të trajtimit të shumë njerëzve në territorin e saj, të cilët janë myslimanë, jo veçanërisht mirë. Ne kemi pasur dy luftëra në Çeçeni, e dyta 1999-2006 ishte si një luftë e radikalizuar në të cilën kishit njerëz që vazhduan të luftonin me Shtetin Islamik kundër qeverisë ruse. Që atëherë, aktivitetet e Rusisë në Siri e kanë bërë Shtetin Islamik ta shohë qeverinë ruse si një kërcënim parësor.”

Ai thotë se pret që përgjigja ruse ndaj sulmit në Sallën e Crocus do të jetë një “dhunë ekstreme”, duke përmendur si shembuj pasojat e rrethimit të teatrit të Moskës në vitin 2002 dhe rrethimit të shkollës në Beslan të vitit 2004.

Rreth pesë persona të armatosur të veshur me veshje kamuflazhi hapën zjarr me armë automatike ndaj njerëzve në vendin e muzikës Crocus City Hall pranë Moskës, duke lënë një numër njerëzish të vdekur dhe të plagosur. Dëshmitarët okularë i thanë Reuters se kishin parë sulmuesit të hapnin zjarr dhe sipas tyre kjo është një tronditje e madhe për popullin rus.

“Pashë që ata hynë filluan të shtëna masive, vetëm në pak minuta hapën edhe zjarr.”

“Sigurisht që jam e tronditur dhe ndjeva frikë dhe tmerr. Unë vetë kam qenë në një koncert në Crocus dhe kur pashë ato video të tmerrshme, u trondita dhe tani jam në lot.”

Ndërkaq një makinë e bardhë e cila mendohet se është përdorur nga terroristët për t’u arratisur është publikuar së fundmi pas të shtënave pranë Moskës. Pozicioni i makinave dhe targa përputheshin me materialet e tjera të publikuara nga një organizatë tjetër e lajmeve që tregonin se është përdorur nga terroristët.

Klan News