Vlerësimi i mbështetjes së Presidentit Donald Trump ka rënë në nivelin më të ulët të mandatit të tij aktual, ndërsa amerikanët gjithnjë e më shumë kundërshtojnë mënyrën se si ai po trajton koston e jetesës dhe luftën me Iranin. Sipas një sondazhi të Reuters, vetëm 34% e amerikanëve miratojnë performancën e Trump në Shtëpinë e Bardhë, nga 36% që ishte në një sondazh të bërë në mes të këtij muaji.

Shumica e përgjigjeve u mblodhën para të shtënave të së shtunës në mbrëmje në darkën e Trump. Mbetet për t’u parë nëse incidenti mund të ndikojë në pikëpamjet e njerëzve për presidentin. Pozicioni i Trump-it me publikun amerikan ka rënë ndjeshëm që nga marrja e detyrës në janar 2025, kur 47% e amerikanëve e mbështetën atë.

Popullariteti i tij ka pësuar një goditje të fortë që kur SHBA-të dhe Izraeli nisën luftën kundër Iranit, e cila ka çuar në një rritje të çmimeve të benzinës. Vetëm 34% e amerikanëve e miratojnë konfliktin e SHBA-ve me Iranin, nga 36% në mesin e prillit dhe 38% në mesin e marsit.

Votuesit e pavarur të regjistruar, një grup që mund të jetë vendimtar në zgjedhjet e mesit të mandatit, favorizuan demokratët kur u pyetën se kë do të votonin në zgjedhjet për Kongres. Një në katër tha se ishte ende i pavendosur.

Tv Klan

/tvklan.al