Kombëtarja e Argjentinës e ka nisur me humbje rrugëtimin e saj të ri pas largimit të Lionel Messit.
Skuadra e drejtuar nga trajneri Lionel Scaloni, i cili sapo ka rinovuar kontratën e tij deri në vitin 2030, u mposht me rezultatin 1-2 nga Uruguai.
Ndeshja miqësore u zhvillua në stadiumin e njohur “La Bombonera”, ku miqtë arritën të sigurojnë fitoren gjatë pjesës së dytë. Uruguai, i drejtuar nga tekniku Diego Furlan, i gjeti të dy golat e triumfit pas goditjeve të këndit.
Fillimisht, një autogol i mbrojtësit Balerdi në minutën e 48-të kaloi skuadrën mike në avantazh. Vetëm pesë minuta më vonë, Araujo dyfishoi shifrat për përfaqësuesen e Uruguait.
Argjentina reagoi duke ngushtuar diferencën me anë të sulmuesit Julian Alvarez në minutën e 73-të të takimit. Megjithatë, ky gol nuk mjaftoi për të shmangur disfatën në këtë test të parë të rëndësishëm pa ish-kapitenin e tyre në fushë.
/tvklan.al












Botërori 2026 
