Victor Osimhen gjithnjë e më shumë është drejt largimit nga Napoli. Francezët e Paris Saint-Germain po vijojnë me planet për të nënshkruar me sulmuesin nigerian për të plotësuar hapësirën e  lënë nga Mbappe i transferuar tek Real Madrid.

Osimhen ka një klauzolë lirimi prej rreth 130 milionë eurosh në kontratën e tij me Napolin, një shifër që mund ta bëjë nigerianin shitjen më e shtrenjtë në historinë e Serisë A.

Ndërsa 25-vjeçari është afër një transferimi  për të thyer rekord, po rendisim shitje më të shtrenjta të Serie A sipas “Transfermarkt”.

5. Dushan Vlahovic, Nga Fiorentina te Juventus. (83,5 milionë euro)

Forma e shkëlqyer e Dusan Vlahovic në Fiorentina e bindi Juventusin të paguante për sulmuesin serb

Pasi shënoi 37 gola në 58 paraqitje në ligë gjatë 18 muajve në Firence, Juventusi pagoi në janar të 2022 klauzolën.

Vlahovic ka shënuar 41 gola në 101 paraqitje në të gjitha garat që nga transferimi i tij në Torino dhe u shpall Sulmuesi më i mirë i Serie A për sezonin 2023-24. Për të ka shumë pritshmëri me ardhjen e trajnerit të ri Thiago Motta këtë sezon.

4. Rasmus Hojlund. Nga Atalanta te Manchester United (85 milionë euro)

Rritja meteorike e Rasmus Hojlund bëri që danezi t’i bashkohet Manchester United vetëm pas një sezoni në Serie A.

Hojlund ishte zhvendosur nga Kopenhagen në Sturm Graz te Atalanta në fushata të njëpasnjëshme, duke e trajtuar çdo hap në mënyrë mbresëlënëse, përpara se Manchester United të “thyente bankën” për të nënshkruar me sulmuesin.

Danezi kishte shënuar 10 gola në 34 paraqitje në të gjitha garat gjatë sezonit të tij debutues në Atalanta dhe impresionoi me një “hat-trick” me Danimarkën në mars 2023.

21-vjeçari shënoi 16 gola në 43 ndeshje gjatë një sezoni të parë inkurajues në Old Trafford.

3. Gonzalo Higuain. Nga Napoli te Juventus ( 94 milionë euro)

Transferimi më i shtrenjtë në histori mes dy skuadrave të Serie A pa Gonzalo Higuain të largohej nga Napoli për te Juventus.

Forma e mirë e Higuain tek Napolin rezultoni me 36 gola në një sezon në Seria. Numri më i lartë i shënuar në një sezon të vetëm më Seria A. Më 2015 -2016. Një ndër tre futbollistë që kanë arritur të shënojnë 36 gola në një sezon të vetëm. Në total El Pipita” arriti të shënonte 91 gola në 146 paraqitje. Ai shënoi 66 gola në 148 ndeshje në Torino dhe kaloi kohë në huazim te AC Milan dhe Chelsea përpara se të transferohej te skuadra e MLS, Inter Miami.

2. Paul Pogba. Nga Juventus te Manchester United (105 milionë euro)

Manchester United theu rekordin botëror të transferimeve duke ri-nënshkruar Paul Pogba nga Juventus në 2016.

Pogba kishte qenë pjesë e  akademisë të Manchester United, por u largua për te Juventus në një transferim të lirë në kërkim të aktivizimit të rregullt në një ekip të madh. Katër sezone të suksesshme në Serie A, Juventusi arriti një tarifë rekord botëror në një nga transferimet më fitimprurëse të të gjitha kohërave.

Mesfushori francez fitoi katër tituj radhazi të Serie A me Zonjën e Vjetër, por luftoi për të përmbushur pritshmëritë në “Old Trafford”. Pogba fitoi Europa League dhe Kupën e Ligës në sezonin e tij debutues, megjithëse pesë sezonet në vijim kaluan pa çmime.

1. Romelu Lukaku. Nga Inter tek Chelsea (115 milionë euro)

Romelu Lukaku u kthye te Chelsea në një marrëveshje me vlerë 115 milionë euro në vitin 2021.

Lukaku nuk arriti të arrinte të linde gjurmë te Chelsea në adoleshencën e tij. Por periudhat e mira te Everton, Manchester United dhe Inter Milan panë që Blutë të thyenin rekordin e tyre të transferimit për të ri-nënshkruar me belgun. Lukaku kishte shënuar 47 gola në 72 ndeshje në ligë për Interin dhe kishte fituar titullin e Serisë A 2020-21, por shpresat për rikthimin e një heroi në Londrën Perëndimore nuk u realizuan.

Pas një sezoni dërrmues, Lukaku u huazua te Interi dhe AS Roma në fushata të njëpasnjëshme. Chelsea aktualisht po kërkon të shesë 31-vjeçarin përgjithmonë me Serie A si destinacionin më të mundshëm.

/tvklan.al