Bllokohen nga protestuesit austostradat italiane
Me disa orë në radhë kanë pritur në shi shtatëdhjetë vjeçarët në Milano që të kryejnë dozën e dytë të vaksinës kundër koronavirusit.
Rradhët e gjata u krijuan përpara disa qendrave të vaksinimit veçanërisht në Trenno dhe në spitalin ushtarak të Baggios.
“Kjo situatë ka ndodhur sepse ishte dyfishuar numri i stacioneve të vaksinimit, nga 6 në 12 për të siguruar 1200 injeksione në ditë,” shpjeguan mjekët e qendrës.
“Është turp që të presim këtu të mbledhur disa orë me radhë në shi, do të duhet të shpikin një vaksinë kundër turmës”, u kundërpërgjigjën të moshuarit të irrituar.
Policia u kërkoi që të linin kalimin e lirë të mjeteve në rrugë të bllokuara, në trafikun e krijuar nga makinat e atyre që kishin sjellë të afërmit për t’u vaksinuar.
Një grua e moshuar u rrëzua në asfaltin e lagur duke u plagosur në kyçe dhe më pas u transportua në spitalin San Carlo.
Ndërkaq në Itali kanë vijuar protestat ndaj masave të rrepta kundër koronavirusit. Dhjetëra tregtarë kanë bllokuar me mjetet e tyre në shenjë proteste autostradat e vendit.
Klan News
