Forcat e policisë së Komisariatit të Durrësit kanë sekuestruar në mesditë rreth 1kg e gjysmë lëndë narkotike të llojit heroinë. Burime zyrtare të policisë lokale bëjnë të ditur se droga u gjend gjatë një kontrolli në një banesë në qytetin e Shijakut. Në bashkëpunim edhe me Prokurorinë e rrethit të Durrësit është bërë i mundur arrestimi i shtetasve F. Ll. i datëlindjes 1958, lindur dhe banues në lagjen Kodër, Shijak me arsim tetëvjeçar, i martuar, e me kombësi shqiptare, i dënuar tre herë më parë për vjedhje njëkohësisht është ndaluar edhe bashkëshortja e tij L. Ll. me kombësi e shtetësi shqiptare, lindur në Tiranë, por e padënuar më parë. Arrestimi i tyre është bërë për arsye se gjatë kontrollit të ushtruar në shtëpi është bërë e mundur kapja e një sasie lënde narkotike e cila dyshohet të jetë e llojit heroinë si dhe një peshore elektronike të cilat janë sekuestruar në cilësinë e provës materiale./tvklan.al