Serbët do të protestojnë në orën 12:00 në Mitrovicën Veriore për shkak të taksës 100 % mbi produktet nga Serbia. Kështu ka vendosur Shtabi i Krizave i formuar të premten në katër komuna nga veriu i Kosovës.
Zëvendëskryetari i Listës Serbe, Igor Simiç ka deklaruar të hënën pas takimit të këtij shtabi të katër komunave Leposaviç, Zubin Potok, Zveçan dhe Mitrovicë Veriore se sot do të mbahen seanca e jashtëzakonshme e kuvendit komunal në veri të Mitrovicës ku do të diskutohet mbi situatën politike dhe atë të sigurisë në këtë pjesë të Kosovës.
Edhe të premten në komunat e banuara me shumicë serbe u protestua ndaj taksës së vendosur nga autoritetet kosovare ndaj produkteve me origjinë nga Serbia. /klankosova
