Një adoleshent 17-vjeçar ka mbetur i plagosur me thikë pas sherrit me një bashkëmoshatar.
Ngjarja e rëndë ka ndodhur në qytetin e Sarandës në rrugën “Butrinti”.
Policia bën me dije se 17-vjeçari u dërgua në spital ku ndodhet nën kujdesin e mjekëve.
Ndërkohë, autori i dyshuar, po 17-vjeçar, është shoqëruar në polici.
Njoftimi i Policisë Sarandë:
Goditi me mjet prerës (thikë) një bashkëmoshatar, si rezultat i reagimit në kohë të shërbimeve të Policisë, kapet dhe shoqërohet 17-vjeçari.
Rreth orës 13:40, në rrugën “Butrinti”, gjatë një konflikti për motive të dobëta, dyshohet se një 17-vjeçar ka goditur me mjet prerës (thikë) një tjetër 17-vjeçar, i cili aktualisht ndodhet në spital, nën kujdesin e mjekëve.
Falë reagimit të menjëhershëm të shërbimeve të Komisariatit të Policisë Sarandë, autori i dyshuar është kapur dhe është shoqëruar për veprime të mëtejshme procedurale.
Grupi hetimor vijon punën për zbardhjen dhe dokumentimin e plotë të rrethanave të ngjarjes.
/tvklan.al
