Të ftuar:

Teuta Maçi – farmaciste

Chrysanthi Kalogeri – astrologe

Gazetare: Agida Koçi

#ShijeShtëpie në #TvKlan. Emision edukues, informues & argëtues me znj. Vjollca dhe Katerina Trungu. Çdo ditë me recetat e thjeshta dhe mbi të gjitha ekonomike te znj. Vjollca duke edukuar amvisat si të ushqehemi shëndetshëm. Rubrika të ndryshme me të ftuar specialë me këshilla të thjeshta praktike, të kuptueshme nga të gjithë, për çdo aspekt të të përditshmes. Argëtim, me muzikë dhe quiz, lojëra gjithëpërfshirëse që të japin atë dëshirën për të luajtur dhe për të komunikuar live me Katerinën dhe të ftuarit e saj.

2 receta nga Znj. Vjollca

Barbunja me mish në LD PREMIUM

Përbërësit

1 kg barbunja

400 g mish viçi

1 qepë e madhe

2-3 thelpinj hudhre

2 domate të grira

1 lgj salcë domateje

Kripë, piper i zi

Vaj ulliri

Lëng Detox “Freski e Gjelbër”

Përbërësit:

1 kastravec

2 mollë jeshile

1 dorë spinaq i freskët

1 limon

1 copë xhinxher (2-3cm)

1 degë selinoje

Çfarë është “zjarri i natës”, nga se shkaktohet dhe pse shfaqet

Javë e shkëlqyer erotike, financiare e personale sipas yjeve

Më 15 maj, Afërdita ka përfunduar periudhën pas prapavijës duke sjellë takime të zjarrta dashurie. Java  e ardhshme na sjell një klimë të bukur astrologjike, parashikon Chrysanthi Kalogeri në “Shije Shtëpie” në Tv Klan.

Lëvizjet e planetëve na bëjnë më të gatshëm për të lëvizur dhe mësuar gjëra të reja, për të takuar njerëz dhe për t’u shpërblyer për punën tonë. Gjetja e zgjidhjeve dhe ideve do të jetë më e lehtë, ndaj duhet të vihemi në lëvizje.

Chrysanthi Kalogeri: Ka shumë aspekte pozitive dhe të gjitha këto aspekte sjellin edhe shanse për lidhje emocionale, dashuri, udhëtime, para, shanse për të gjetur njerëz të rëndësishëm në jetën tonë. Tri ditët e para të javës dhe sidomos datat 19-21, sjell gjetjen e njerëzve që do të na mbështesin, përforcimin e marrëdhënieve dhe arritjeve tona, favorizohen shumë të lindurit në dy ditët e fundit të shenjave të ujit e të tokës, por të gjithë mund të përfitojnë nga kjo. Pjesa e dytë e javës ka intuitë për të gjetur ide, zgjidhje që na duhen në fushën ku interesohemi. Do të kemi takime me njerëz të fuqishëm dhe që do të na ndryshojnë jetën për mirë, ndërsa e gjithë java është krijuese dhe erotike. Është një javë që do të marrim frymë, do të ndihemi të gëzuar e të plotësuar. Ata që ankohen se nuk do të marrin gjëra të mira këtë javë, janë dy kategori: janë mësuar të kenë gjithnjë të mira në jetën e tyre dhe nuk i vlerësojnë këto shanse, ndërsa e dyta, nëse kanë probleme, ato vijnë nga e kaluara kështu që këtë javë të punojnë për t’i zgjidhur.

Pasioni do të na shoqërojnë këtë periudhë dhe do të jemi gati për të bërë disa ndryshime të rëndësishme në jetën tonë.

Chrysanthi Kalogeri: Në javën që vjen, përveç Afërditës që takon në lidhje harmonike Marsin, do të jemi shum erotikë, me libido dhe pak të nxituar, kemi takimin e diellit në lidhje gjashtëkëndësh me Saturnin që tregon takime me njerëz të rëndësishëm në çdo nivel, takime për përforcimin e pozitave, për marrëveshje e bashkëpunime që do t’i qëndrojnë kohës. Do të kemi edhe kalimin e diellit në Binjak ku do të takojë Plutonin në lidhje harmonike ku bëhet fjalë për zhvillime në fushën politike. Në datën 25 Saturni kalon në Dash ku do të bëjë një takim që do të realizohet plotësisht në 2026 me Neptunin. Jemi futur në një periudhë të re, por do të shikojmë ku hyjmë dhe bashkimi i këtyre dy planetëve na fut në një rrugëtim të ri.

Yjet “i shndrisin” Shkodrës Elektronike në finalen e Eurovision? Parashikimi plot shpresë i astrologes

Na ndan vetëm një ditë nga finalja e Eurovision dhe një tjetër performance të Shkodrës  Elektronike me “Zjerm”, këngë që siç u shpreh edhe Zefina Hasani disa ditë më parë në  “Shije Shtëpie” në Tv Klan, pretendon fitoren. Shkodra Elektronike ka fituar zemra tashmë në mbarë Europën, por a ia ka dalë të marrë pak pluhur fati nga yjet?

Astrologia e programit, Chrysanthi Kalogeri ka analizuar hartat astrologjike të Beatriçe Gjergjit dhe Kolë Lacës, por pa shenjën e ashendentit. Beatriçe, e cila i përket shenjës së Virgjëreshës, zotëron tipare që mund ta çojnë drejt fitores. Mundësitë janë mjaft të mira, shprehet astrologia, edhe pse jo me siguri të plotë, por suksesi do të vazhdojë ta ndjekë.

“Ajo që do të thosha për Beatriçe është që ka një trekëndësh të madh, diell, Mërkur, Afërdita, Ceres në Virgjëreshë në një lidhje harmonike me hënën që kudo që të jetë e lindur është në shenjën e Demit, pavarësisht orës dhe në një lidhje harmonike këto bashkë me Uranin, Neptunin, Saturnin në shenjën e Bricjapit që kjo e bën të jetë punëtore, këmbëngulëse, realizuese, ato që mendon dhe ka në fantazi mund t’i bëjë realitet. Ka shanse shumë të mira. Nuk mund të them me saktësi që mund të jetë fituese, megjithatë ka shanse shumë të mira dhe do të vazhdojë ky sukses për këta vitin që vjen dhe sidomos sukses të madh do të ketë pas dy vitesh në qoftë se do të vazhdojë të punojë.”

Kolë Laca i cili i përket shenjës së Demit, përshkruhet prej astrologes si mjaft spiritual dhe që ka fatin me  vete. Chrysanthi thotë se ai ka bërë një fillim të ri dhe do të ketë suksese në vijim. Hartat e dyshes janë “mjaft premtuese” sipas astrologes.

“Kola është një artist shumë spiritual, por ka Marsin dhe Afërditën në shenjën e Binjakëve në lidhje harmonike me hënën që qëndron në shenjën e Ujorit. Kam përshtypjen se ka pak më tepër fatin me vete.  Bashkëpunimi solli fitoren dhe ai ka ndier se një ëndërr e tij është bërë realitet, e ka përjetuar shumë thellë këtë fitoren. Nuk mund të them me siguri se jemi fitues, megjithatë hartat e tyre janë shumë premtuese. Doja të shtoja që ka bërë një fillim të ri, jo vetëm në Eurovision dhe do të vazhdojë të ketë edhe suksese të tjera që do të vijnë këtë pranverë dhe atë që vjen e më tutje.”

Kujtojmë që kombinimi  Dem-Virgjëreshë është konsideruar shpesh në astrologji si një nga më të mirët në të gjitha llojet e marrëdhënieve.

Veç bashkëpunimit, Chrysanthi vlerëson edhe një tjetër veçori të Shkodrës Elektronike: “Kanë punuar fort, me disiplinë, disa pengesa por besoj se puna dhe besimi në vetvete i ka ndihmuar të arrijnë këtë sukses”, përfundon astrologia.

Parashikimi i yjeve për secilën shenjë nga Chrysanthi Kalogeri

Parashikimi i javës për shenjat na përgatit për një periudhë premtuese. Astrologia e programit “Shije Shtëpie” në Tv Klan lajmëroi në fillim të tij se do të krijojmë lidhje emocionale, do të gjejmë mundësi të reja dashurie, mund të përparojmë financiarisht dhe profesionalisht.

Gjatë tri ditëve të para të javës, datat 19-21, do të shohim mundësi për të gjetur mbështetje dhe përforcuar marrëdhëniet, ndërsa pjesa e dytë karakterizohet nga  krijimtaria dhe intuita. Kjo është një javë ku do të ndiejmë energji pozitive, entuziazëm dhe dëshirë për të arritur synimet tona.

Dashi – Java nga data 19-25 është shumë erotike për ju. Është javë ideale, do të jeni afër me të dashurit, fëmijët, do të keni njohje të reja, mund të udhëtoni. Përveç pjesës erotike, krijuese dhe entuziazmit, keni shanse për përfitime financiare që mund të bëni një lëvizje për një trashëgimi, çështje prone dhe ndoshta do të merrni zgjidhje apo të bëni një bashkëpunim profesional që duhet ta mbani pak më privat, por do të jetë afatgjatë dhe me stabilitet. Duhet të jenë të kujdesshëm të lindurit në ditët e para të shenjës për shëndetin, mënyrën si i shohin gjërat dhe vendimet. Në fund të javës jini socialë, do të gjeni njeriun që do të ndryshojë disa gjëra në synimet e qëllimet tuaja dhe do ju mbështesë në realizimin e tyre.

Demi – Kjo javë sjell zhvillime pozitive në jetën personale dhe familjare. Do të keni mundësinë të zgjidhni probleme me shtëpinë, pronën, familjen ose të bëni takime të fshehta në jetën erotike. Përfaqësuesit e shenjës së Demit do të kenë sukses te financat, sidomos ata që kanë ashendentin në Dem. Në fund të javës do të shpërblehet puna e tyre, mund të kenë të ardhuranga një punë e re, ndryshimi në punë apo ngritje në detyrë. Demët e lindur në ditët e fundit dotë përforcojnë marrëdhënien e tyre, një miqësi mund të kthehet në një marrëdhënie serioze ku përmes rrjetit social  dhe aktivizimit do të gjejnë një njeri që do të ndikojë pozitivisht në marrëdhënien personale, realizimin e synimeve dhe qëllimeve apo të marrin këshillat e duhura.

Binjakët – Udhëtime, takime që do të favorizojnë qëllimet tuaja. Këto takime mund të jenë kokë më kokë, por edhe në intimitet që të organizonimë mirë hapat e mëtejshëm. Do të keni njohje dhe zhvillime  edhe në jetën personale. Në fillim të javës do të gjeni mbështetje për punë, një pozitë më të mirë, ngritje në detyrë. Nga data 20-21 dielli kalon në shenjën tuaj dhe fundi i javës krijon shanse shumë të mira për të gjetur njerëz që do të mbështesin planet tuaja për të ardhmen. Të favorizuar janë të lindurit në 3 ditët e para të shenjës ndaj shihni planet për studime, të ardhmen dhe ndryshimet që do të keni lulëzojnë nga fundi i javës e deri vitin tjetër. Fundjava premton ndryshime në jetën tuaj, planet në të ardhmen dhe informacionet që ju duhen. Organizoni sa më mirë punën sepse do të shpërbleheni.

Gaforrja – Kjo javë sjell zhvillime pozitive në jetën personale e familjare. Do të gjeni zgjidhje për një çështje të lidhur me familjen, një pjesëtar të saj ose diçka që lidhet me shtëpinë. Do të përmirësoni jetën tuaj, do të keni mbështetje, takime më të fshehta dhe jo domosdoshmërisht erotike, por të lidhura me një plan ekonomik. Nga fillimi i javës e deri të mërkurën do të gjeni mbështetjen e duhur për arritjen e synimeve tuaja përmes rrjetit social. Përfitime në sferën financiare vijnë në gjysmën e dytë të javës dhe në fund të saj, kur do të vijë një bashkëpunim financiar që premton stabilitet.

Luani – Është një periudhë erotike, mund të promovoni  punën, të dilni në sipërfaqe, të bëheni më i njohur në punë dhe jetën sociale. Do të keni mbështetje financiare nga bashkëshorti a bashkëpunëtori që do të favorizojë zhvillimin në karrierë ose jetën sociale. Do të keni zhvillime shumë të mira në marrëdhënie e bashkëpunime, sidomos të lindurit në 3 ditët e para të shenjës që janë në një fazë ku  kanë vështirësi, pengesa dhe ka ardhur momenti të marrin ndihmë e mbështetje. Është një periudhë shumë e mirë për t’u fokusuar në planet e së ardhmes dhe karrierë.

Virgjëresha – Do të keni mbështetje të madhe për një çështje financiare, një trashëgimi, mbështetje nga bashkëpunëtorët, i dashuri. Veç kësaj, do të keni edhe këshilla pozitive që do të funksionojnë pozitivisht në realizimin e ndryshimeve që doni të merrni. Të lindurit në 2 ditët e fundit të shenjës mund të bëjnë ndryshime që do të sjellin stabilitet më vonë. Mund të merrni vendime serioze për një marrëdhënie personale dhe bashkëpunim profesional. Mund të bëni një udhëtim që do ju sjellë afër me të dashurin dhe të përforcojë marrëdhënien. Do të keni rinovim të karrierës suaj në pjesën e dytë të javës dhe mund të bëni disa ndryshime që do ju favorizojnë, do të vlerësohen përpjekjet tuaja dhe do të dilni të fituar apo të ngriheni në detyrë.

Peshorja – Kushte ideale për jetën tuaj personale. Do të keni shanse për një lidhje emocionale, dashuri të re që do ta gjeni përmes rrjetit social prandaj aktivizohuni, dilni, takoni shokë e shoqe. Nëse dikush ju irriton, kalojeni pa e vënë re. Do të keni shanse në sferën financiare, ndihmë në diçka të re që doni të nisni apo keni filluar. Pjesa e dytë e javës ju jep intuitën që të gjeni rrugën, idenë, këshillat e përshtatshme në këtë nismë të re. Fillimi i javës premton ndryshime në punë e shtëpi që do të kenë një kosto më të vogël se herët e tjera ose një mbështetje që do të ulë shpenzimet. Do të keni udhëtime frytdhënëse me të dashurin apo të realizoni qëllime. Disa gjëra mund të mos i kuptoni tani, por në vijim do të japin rezultatet e tyre.

Akrepi – Zhvillime në jetën personale, në fushën e marrëdhënieve dhe bashkëpunimeve, jetën erotike,  probleme që doni të zgjidhni në lidhje me fëmijët, një investim ku më të ndikuarit jeni të lindurit në ditët e fundit të shenjës që do të bëjnë ndryshime dhe do të përforcojnë bazat që  do të hidhni. Ky fillim i ri  përmes daljes nga një marrëdhënie do të jetë një fillim afatgjatë dhe me stabilitet. Ata që janë në kërkim  të një pune do të kenë shansin ta gjejnë, por edhe një punë të dytë. Do të jeni shumë realizues, do të vlerësoheni në punë dhe kjo do të sjellë rezultate në xhepin tuaj. Do të keni mundësinë të përmirësoni përditshmërinë e cila do të rrisë cilësinë e jetesës. Do të keni ftesa, njohje, marrëdhënie serioze dhe  përforcim të tyre. Do të mund të zgjidhni një problem familjar.

Shigjetari – Një javë shumë pozitive për ju ku Marsi në Luan dhe Afërdita në Dash krijojnë një periudhë  shumë favorizuese për të lindurit në 10-ditëshin e dytë të shenjës. Kjo ndikon te dashuria, fëmijët,  planet për të ardhmen, një çështje ligjore, një investim që doni të bëni dhe mund të kombinoni argëtimin, jetën personale e profesionale. Fillimii javës sjell ndryshime në përditshmërinë tuaj, zgjidhje të çështjeve familjare apo edhe ndryshime në shtëpi. Organizoni mirë përditshmërinë, do të keni ftesa e takime në pjesën e dytë të javës ku do të ndiheni shumë mirë dhe do të keni informacionet që ju interesojnë.

Bricjapi – Shanse për zgjidhjen e çështjeve që kanë të bëjnë me familjen, shtëpinë, pronën ku kërkohet një mbështetje financiare apo shpenzim. Kushtet janë ideale për të vepruar, mjafton të mos nxitoheni.  Udhëtime të vogla me të dashurin, përforcimin e një lidhjeje erotike dhe pozitave, sidomos për të lindurit në ditët e fundit të shenjës.

Ujori – Java është e përshtatshme për lidhje, marrëdhënie të reja, bashkëpunime profesionale, madje personat që do të njihni do të jenë shumë të rëndësishëm. Ndikohen shumë të lindurit në ditët e para dhe të fundit të shenjës që janë përpara disa ndryshimeve dhe iniciativave. Në fillim të javës do të shpenzoni  për shtëpinë, një familjar apo mund të përfitoni nga shfrytëzimi i pronës. Fundi i javës sjell  një forcë të brendshme  ku do të keni mundësinë të bëni gjëra që do t’i gjeni përpara dhe do ju ndryshojnë jetën.

Peshqit – Kjo javë premton përfitime financiare nga puna, por edhe shpenzime për përmirësimin e jetës suaj. Një organizim i mirë i përditshmërisë sjell edhe qetësi shpirtërore për ju. Është gjithashtu një periudhë erotike. Të lindurit në ditët e fundit të shenjës duhet të bëjnë biseda, të takojnë njerëz,  vendosni baza në jetën personale e profesionale. Në datën 25 do të çliroheni nga  Saturni, do të ndiheni më të lirë. Mbeten disa gjëra të vogla që do t’i hasni më pas, por këtë javë do të keni intuitën për të gjetur zgjidhje financiare. Në fundjavë do të keni një problem të rëndësishëm familjar ose shëndetësor.