Në sezonin vjeshtë 2024, stilisët ishin të kujdesshëm se qëllimi i modës verore është që të jetë sa më e lehtë. Edhe aksesorët, përfshirë çantat, bizhuteritë, këpucët i përmbahen etosit të muajve të ngrohtë. Ngjyrat e tyre do ju bëjnë të dukeni më të plotësuara në veshje, edhe pse minimaliste dhe pa u lodhur shumë.
Aksesorët më poshtë do t’i bëjnë më të hijshme veshjet e verës pa i rënduar në ditët e nxehta dhe për më tepër, do të jeni gati për të ndjekur çdo event në mënyrën më trend të mundshme.
Rrip
![](https://tvklan.al/wp-content/uploads/2024/05/rrip-1024x737.webp)
Një rrip i mirë është aksesori i duhur që ta lidhë si duhet një veshje. Louis vuitton propozoi rripa lëkure me ngjyra karamelesh për t’u dhënë dimension fustaneve. Chloé solli versionin e saj me zinxhir metalik me logon që vendoset në pjesën e poshtme të belit.
Qershi
![](https://tvklan.al/wp-content/uploads/2024/05/e-kuqe-1024x737.webp)
E kuqja vijon të rikthehet në çdo sezon. Për verën e 2024-ës, kjo ngjyrë nuk do të jetë mbizotëruese por plotësuese. Nëse zgjidhni veshje monokromatike, shtoni një çantë të kuqe apo taka ngjyrë qershie. E kuqja e rubinit u vu re te çantat e Valentino apo takat ‘kotele’ të Isabel Marant si ide për ta bërë veshjen më me shije.
Vathë sa një kopsë
![](https://tvklan.al/wp-content/uploads/2024/05/vathe-1024x737.webp)
Ky sezon ishte një luftë mes dekadave. Vathët me madhësinë e kopsës të frymëzuar nga vitet ’80 ishin një prej trendeve. Nga format skulpturore metalike e deri te ngjyrat e forta, zgjidhni ju sesi do ta kombinoni veshjen e ditës.
Ortopedike
![](https://tvklan.al/wp-content/uploads/2024/05/ortopedike-1024x737.webp)
Këpucët ortopedike nuk largohen kurrë nga trendi, por këtë verë është një rikthim i fortë. Louis Vuitton dhe Roberto Cavalli kanë propozuar çizme verore lëkure, ndërsa Paco Rabanne shapkat me takë asimetrike.
Çantat e çrregullta
![](https://tvklan.al/wp-content/uploads/2024/05/pa-forme-1024x737.webp)
Çantat pa formë ekzankte janë perfekte për verën: mbajnë gjithçka ju duhet dhe reflektojnë energjinë e stinës. Valentino propozon versione më të vogla, Chloé dhe Burberry preferon të mëdhatë. Gjithsesi, mos harroni që materiali duhet të jetë lëkurë.
Shall
![](https://tvklan.al/wp-content/uploads/2024/05/shall-1024x737.webp)
Një shall veror ju duhet patjetër në çantë sepse mund të fryjë një fllad i freskët apo thjesht mund ta bëni veshjen të duket më e sofistikuar. Givenchy ka sjellë alternativat thuajse transparente, të lehta dhe Victoria Beckham versionet me printe që mund të zbukurojnë edhe çantat.
Shtresa
![](https://tvklan.al/wp-content/uploads/2024/05/corape-1024x737.webp)
Një shtresë shtesë mund të duket e tepërt në verë, por trendi i këtij viti thotë se kombinimi i çorapeve me këpucët e bën veshjen më intriguese. Dior dhe Givenchy kanë përdorur çorape të tejdukshme me fustanet e zeza por ju mund të bëheni edhe më krijuese.
Çantat pa dorezë
![](https://tvklan.al/wp-content/uploads/2024/05/cannta-1024x737.webp)
Çantat që mund të mbahen në dorë dhe i përngjajnë një jastëku duket sikur japin një element rehatie, por lehtësojnë shumë edhe pozat për fotot që mund të shkrepni gjatë ditës./tvklan.al