Buxheti i shtetit për vitin 2026 arrin në 358 miliardë lekë, ose 7.5% më shumë se një vit më parë.
Edhe këtë vit, pjesën më të madhe të shpenzimeve publike e përthith mbrojtja sociale, me 121.5 miliardë lekë, ose gati 34% të të gjithë buxhetit.
Krahasuar me vitin 2025, fondet për pensionet dhe skemat sociale janë rritur me 9%, duke mbetur zëri më i madh i financimit në buxhetin e shtetit.
SHPENZIMET E BUXHETIT, QERSHOR (mld leke)
| 2025 | 2026 | ||
| Shpenzimet totale | 333.0 | 358.1 | +7.5% |
| Mbrojtja sociale | 111.5 | 121.5 | +9.0% |
| Mbrojtja | 8.5 | 16.0 | +88.4% |
| Strehimi | 17.7 | 14.5 | −18.1% |
Një nga rritjet më të forta evidentohet tek mbrojtja, ku fondet janë rritur me 88.4%, nga 8.5 në 16 miliardë lekë, duke reflektuar investimet për modernizimin e forcave të armatosura dhe angazhimet në kuadër të NATO-s.
KUSH MERR ME SHUME NGA BUXHETI 2026?
| Mbrojtja sociale | 33.9% |
| Shërbimet e përgjithshme publike | 18.1% |
| Arsimi | 11.5% |
| Shëndetësia | 10.4% |
| Rendi dhe siguria publike | 7.3% |
| Çështjet ekonomike | 7.3% |
| Strehimi | 4.0% |
| Mbrojtja | 4.5% |
| Argëtimi, kultura dhe çështjet fetare | 1.7% |
| Mbrojtja e mjedisit | 1.2% |
Më shumë financime marrin edhe rendi dhe siguria publike, me një rritje prej 14.4%, ndërsa arsimi dhe shëndetësia vijojnë me rritje më të moderuara, përkatësisht me 4.4% dhe 3%.
Në ndarjen e buxhetit sipas peshës, mbrojtja sociale kryeson me 33.9% të fondeve totale, e ndjekur nga shërbimet e përgjithshme publike me 18.1%, arsimi me 11.5% dhe shëndetësia me 10.4%.
Në krahun tjetër, strehimi është sektori i vetëm që pëson ulje financimi, me një tkurrje prej 18.1%, duke zbritur nga 17.7 në 14.5 miliardë lekë.
Në total, buxheti i vitit 2026 tregon një orientim më të fortë drejt mbrojtjes sociale dhe sigurisë, ndërsa sektorët ekonomikë dhe strehimi marrin një pjesë më të kufizuar të rritjes së shpenzimeve publike.
/tvklan.al












Botërori 2026 